黎姿罕有為雜誌拍攝封面 竟然同袁潔瑩楊茜堯撞咗樣？

49歲嘅女神黎姿（現名馬黎珈而），近日獲千億新抱徐子淇邀請，罕有為時尚雜誌嘅香港版拍攝1月刊封面。呢輯封面靚相揾嚟著名攝影師Wing Shya拍攝，將黎姿嘅身型、美貌同緊緻肌膚表露無遺。唔少網民大讚佢十年如一日，仍然很美、成熟、穩重、凍齡美女等等。不過有更多網民覺得佢個樣變咗，完全認唔出，更有網民覺得佢同楊怡（現名楊茜堯）及袁潔瑩撞樣，留言或：「點解甘（咁）似袁潔瑩」、「已經分唔出黎姿定楊怡」及「不像黎姿像楊怡」等等。

黎姿唔經唔覺已經息影13年，當年佢拍攝多部膾炙人口嘅電影及電視劇集，例如《古惑仔》系列、《胭脂水粉》、《金枝慾孽》及《珠光寶氣》等等。直至2008年下嫁商人馬廷強，婚後淡出娛樂圈，除咗做幸福少奶奶外，同時亦轉做女強人打造自己事業王國，又幫細佬打理醫學美容事業。雖然離開幕前多年，但因為Gigi勤於做瑜伽、健身，亦會去行山，所以身型狀態依然Fit到漏，個樣一樣咁靚，幾乎無變。

按此下載全新應用程式Yahoo APP，並以Yahoo電郵免費登記成為會員，即時可完成簡單任務賺取Ypoints，憑分即可換領不同獎賞！ 新人更可即時換領限量新人禮，立即下載！

【相關搜尋】黎姿眼白消失