黎振燁連嗒3女 攬啜陳瀅

東方日報
·1 分鐘文章
黎振燁攬住陳瀅嚟錫(左圖),又為半裸鍾晴畫人體素描。
黎振燁攬住陳瀅嚟錫(左圖),又為半裸鍾晴畫人體素描。

人夫黎振燁去年搭上無綫小花朱智賢而遭解約,自毀前途,兩人有份演出的劇集《愛美麗狂想曲》近日上架,飾演畫家的他也同樣風流,近日劇情交代他向女神陳瀅埋手,另一邊廂又搵鍾晴做人體素描模特兒,期間對方半裸上陣,僅以手遮胸,畫面香艷,他卻手拿畫筆搵角度。

鏡頭一轉,他漏夜帶醉去搵陳瀅,甫見面即佔盡便宜又攬又錫,伊人當然無力招架,不但如此,之後他再到天台與另一個女仔鬼混,更表現猴擒,邊咀邊摸,非常色情,一集連食幾女,果真艷福無邊。而朱智賢則於劇中與陳豪針鋒相對,為人尖酸刻薄,論演技確實表現不錯,理應有望上位,奈何戲外的她因一次錯失,至今仍復出無期。