黎瑞恩羅敏莊爭認做「超」女

羅敏莊(左)開騷,黎瑞恩當然為好姊妹撐場。
羅敏莊(左)開騷,黎瑞恩當然為好姊妹撐場。

歌手羅敏莊(Mimi)前晚在九展開演唱會,一身紅噹噹披肩出場的她被DJ好友李志剛上台挑機鬥唱及鬥除衫,引起現場不少笑聲,李志剛脫下外套,大晒網衫下的6塊腹肌。Mimi又自嘲是「超女」:「係超齡嘅女,但仲想要愛,留意吓超女會煲韓劇、去碼頭睇MIRROR、去Anson Lo廣告牌影合照,就知幾需要愛,自己都會幻想吓愛情。」而嘉賓黎瑞恩出場時更笑說:「超女點止你一個,仲有我,超重嘅女。」2個好姊妹又突然感觸攬住喊,合唱時一度哽咽唱不下去。

之後嘉賓黃翊登場,他與Mimi大唱梅艷芳、張國榮的串燒歌,在「安哥」環節,羅敏莊換上心口開窿晚裝,大晒「心形胸」,高唱《感情到老》作結。

羅敏莊着「心口開窿」裝,再擺埋心心甫士。
羅敏莊着「心口開窿」裝,再擺埋心心甫士。