黎紀君客串MV慘遭男拍檔冷落

東方日報
·1 分鐘文章
黎紀君對着鏡頭並不緊張,不過自知有懶音問題,一直在改善中。
黎紀君對着鏡頭並不緊張,不過自知有懶音問題,一直在改善中。

為「繽FUN主播室」擔任嘉賓主播的「甜心女神」黎紀君(Christy),覺得做主持這個新嘗試非常好玩:「好多雙眼望住我睇住字幕機,好希望唔好講錯字,點知我將滑翔降傘隊講咗滑翔降落傘,講咗3、4次終於講啱咗。」

早前她為許靖韻的新歌《別為我好》MV客串演出,與胡子彤飾演分手情侶,自爆最初對胡子彤有所誤會:「佢好似唔想同我講嘢,我以為佢唔鍾意我添,當時真係有少少驚,原來佢已經入緊戲,因為成個MV係好傷感,拍完嘢我哋都有傾偈。」

向歌手路進發

有意當歌手的Christy暫時先在網上試水溫,邀得徐浩為她錄製cover歌,她感恩對方不收錢幫她監製,問她如何報答?她笑說:「請佢食一個外賣,通常佢幫我錄好拍好之後,我會親自剪片放上網。」

黎紀君獲主播斯菲講解流程及提點一些拍攝技巧。
黎紀君獲主播斯菲講解流程及提點一些拍攝技巧。