黎諾懿心郁想飛 追女Hold住先

東方日報
·2 分鐘文章
黎諾懿與李潔瑩揀靚蘭花布置家居。
黎諾懿與李潔瑩揀靚蘭花布置家居。

藝人黎諾懿鼠年工作不斷,趁有空檔即與太太李潔瑩趕辦年貨,更親自到元朗買桃花及蘭花回家布置。講到牛年大計,他坦言追女目標繼續,但礙於想離開香港拍攝旅遊節目,故有機會將大計延期!

在家中擔任「花王」的黎諾懿,日前撇甩兒子黎峰睿,與太太拍拖到元朗選購桃花及蘭花,更手拖手在桃花園留影兼轉足3圈,寓意牛年事業順利,增添觀眾緣。

今年因疫情關係,不少人選擇避年減少聚會,但他反其道而行,表示會帶兒子到郊外走動:「今年新年都唔去得邊,但又唔可以困住個仔,所以會帶佢去郊外行吓,畀佢適當咁放電。依家每日都會畀佢學唔同嘅嘢,等佢習慣吓每日有嘢做,如果唔係第時返學就會無王管。」

囝囝係林子祥Fans

他大爆兒子音樂細胞爆棚,而且愛聽老歌不愛K-POP,他說:「開頭以為佢好似我咁,有唱歌障礙,但學咗鋼琴之後,唱歌又好似幾好,但佢唔鍾意聽兒歌、K-POP。」黎太即笑說:「佢係林子祥粉絲,明明我佗佢嗰陣係聽古典音樂。」

講到造人大計,黎諾懿坦言牛年會「繼續進行」,但笑言因要花心思照顧小朋友,加上過年後想到外地工作,故追B大計要延期:「之前好想追個女湊夠一對,但諗諗吓其實都幾攰,講緊係花心思去照顧,依家一個都充實,有時返工又要提早化妝Set頭,因為要陪佢食嘢同帶佢上堂。今年想拍綜藝,但未必係煮食節目,疫情關係,我都煮咗成年,我好想做番《懿想得到》嗰類節目,但飛唔到,所以都想落實個地方,飛過去隔離14日,因為正常飛得番都係出年,但作為藝人又唔可以等得太耐。」

兩公婆在桃花樹下行大運。
兩公婆在桃花樹下行大運。