黎諾懿搵花旦輪流開餐廳 王君馨做代母 湊唔掂小春雞

黎諾懿邀得姚子羚、王君馨和龔嘉欣主理餐廳。
黎諾懿邀得姚子羚、王君馨和龔嘉欣主理餐廳。

首次做監製的黎諾懿碌盡人情卡拍攝飲食節目《仨心友行2》,由於拍攝場地沒冷氣,天氣酷熱令到嘉賓陳敏之中暑,而諾懿更出動兒子「小春雞」參演,點到王君馨頭都暈。

出動多位無綫花旦如王君馨、姚子羚、龔嘉欣、陳敏之等拍攝TVBI的飲食節目《仨心友行2》,是黎諾懿首次擔任監製的作品,節目將於8月在馬來西亞TVBI收費電視播出,稍後亦將有機會在香港無綫播放,而這個以內地美食真人騷節目《中餐廳》為藍本的節目,除可睇到花旦如何經營餐廳和煮食外,其中一集更招待了一對70多歲的夫婦,為他們設計了一頓盛宴,及補辦婚禮兼拍婚照,現場氣氛相當溫馨。

陳敏之熱到中暑

黎諾懿表示節目每集都有一個主題,會見到每位嘉賓如何經營一間餐廳,其中最搞笑是君馨煎燶牛扒的情景,搞到現場冒白煙,又被諾懿兒子「小春雞」點到失魂,諾懿稱:「因為有一集係嘉賓做代母,君馨帶住我個仔,畀佢點到有啲慌!」至於另一位老友敏之則因現場沒冷氣而熱到中暑,他說:「拍攝現場係一間玻璃屋,地點偏遠,敏之拍咗15分鐘已經頂唔住中暑,原本要去醫院,但佢堅持話唔使,抖咗一陣再開工,真係好專業!」

學鄭伊健 慘被雪藏

此外,12月再做爸爸的諾懿,接受電台訪問暢談娛圈歷程及展望,他稱入行18年,初期對娛圈事業滿懷大志,因為演劇集《隨時候命》而認識了鄭伊健,諾懿笑言「學晒佢啲嘢」:「曾走上監製房同監製理論,可能佢嘅年代得,唔代表我嗰陣行得通,結果我被冰封咗……喺我低潮時期,佢(伊健)好照顧我,我要登台佢任我去佢屋企揀衫。」

王君馨應付不了小春雞,被點到陀陀擰。
王君馨應付不了小春雞,被點到陀陀擰。