黎諾懿有料爆「繽FUN Live」今晚見

黎諾懿在疫境中晒廚藝殺出血路，工作接踵而來，在百忙中抽空擔任「繽FUN Live」嘉賓揭秘聞，分享如何娶得好老婆。一直恨生女的他，昨日出席活動時揚言疫情後就會開Turbo趕工！

今晚9點記得睇實「繽FUN Live」，皆因有「疫境廚神」黎諾懿與你疫境開Live！近年「升呢」廚神的他十分搶手，同時間拍3個飲食節目，而且拿手菜多多，更憑此贏得老婆歡心，連失傳的宮廷食品亦難不倒他：「最鍾意嘅菜式係『三不沾』，第1次研究失傳嘅宮廷甜品，可以重現真係好開心！」

擸4項提名「讓賽」

廚藝方面爐火純青，問到最得意的影視作品又是哪一部？他表示：「最鍾意嘅作品有好多部，暫時最深刻係《BB來了》，拍完之後多咗8個囡囡！雖然唔係親生，但我當佢哋係。」節目還有更多精彩內容，記得睇住東網App「繽FUN Live」，繽FUN主播俞詠文絕不放過他，發問尖銳問題！

黎諾懿在今年台慶頒獎禮共獲4項提名，當中包括「最佳男主角」、「最受歡迎男角色」、「最受歡迎電視拍檔」及「最佳節目主持」，可謂大豐收，問到對獎項可有信心？他笑說：「舊年講過想同時間攞視帝同主持獎，不過台上丹爺（劉丹）開到聲話想做視帝，佢應該得嘅！我惟有下年再努力啦，我啲戲咁好！」

親親導盲犬

另外，他昨日又以關愛大使身份出席導盲犬訓練學校動土典禮，並即場為第1代導盲犬打腳印，同場還有文雪兒及女兒張筠。他一直恨追番個女，問到是否已努力中？他說：「依家疫情咁嚴重，如果老婆有咗會好大壓力，等疫情完，我哋即刻加緊進行！」