黎諾懿無懼安全問題 莊鍶敏:控制上要適應

莊鍶敏與黎諾懿認為電動車問題不大。
莊鍶敏與黎諾懿認為電動車問題不大。

林志穎駕駛電動車發生意外,令車輛的安全性引起關注。已有2年駕駛電動車經驗的黎諾懿,昨日力撐電動車方便:「因為行摩打,我幾鍾意,一直以嚟都冇咩大問題,仲覺得安全咗。但因為呢款車一畀油就去,對新手嚟講要控制吓,對我呢啲揸咗20年車嘅人就問題不大。」

莊鍶敏同樣認為問題不大:「我算係最早揸電動車嗰批人,同揸慣汽油車比較,控制上有少少分別,要多啲時間適應,但只要喺安全車速下就冇問題。(因為呢件事而減少揸?)唔會,始終環保同平啲,油費依家好貴,長遠講應該會普及化,但要揀啲信譽好同要多啲時間實習吓。」

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能