黑糖心風暴？ 台灣幸福堂發聲明怒插香港代理

呢期最hit嘅黑糖珍珠奶茶，估唔到有花生食……   台灣黑糖珍珠品牌幸福堂喺facebook專頁出聲明，矛頭直指香港代理經營嘅分店，無跟足合約內容營運，包括冇跟指引裝修、冇跟程序營業、未經允許擅自加盟等。由於台灣方面提供嘅改善期限已過，幸福堂總公司俾7日時間香港代理配合，否則將會撤除授權，以及唔再提供原材料。   聲明如下︰   「香港幸福堂多次未按照總公司合約規範內容及SOP手法營業，詳細違約內容曾發聲明稿告知時間內改善，時間已過一個月，屢勸不聽。裝修面必須按照總公司提供及指定方式裝潢。改善前絕不允許開放加盟;台灣幸福堂總公司給予香港代理晨康國際有限公司最後催告時限7天,若未能配合,台灣幸福堂總公司總裁國際有限公司將決定不再授權晨康國際有限公司代理幸福堂，並不再提供原物料供販售，且香港代理未經允許擅自加盟，嚴重影響品牌聲譽，台灣幸福堂總公司將重新尋找香港代理，敬請各位香港粉絲知悉，謝謝。」   最大件事係咪冇得飲原裝台味黑糖珍珠？小編又唔係咁睇。不過就諗起之前由兩位台灣太太創立嘅食店「請坐」，因為合約問題而同香港股東發生嘅糾紛。呢兩件事傳到台灣，會唔會令台灣人對喺香港營商，有不良印象？   飲食潮流話過就過，正如而家仲有冇人成日食紫薯乜乜乜？ 又或者早幾個月發現另一家珍奶品牌「老虎堂」被爆黑糖唔係手炒仲有人工色素呢單嘢，仲有幾多人記得？ 但係營商聲譽呢樣嘢，做壞咗，好難扳。原post傳送門