點止鄭嘉穎！盤點老婆係港姐冠軍的男藝人

東方新地 - 娛聞

更新日期： 2018年11月25日上午8:03

鄭嘉穎今年八月與2013年港姐冠軍陳凱琳結婚，上星期兩公婆宣布有喜，認真快手！相信唔少男士都希望好似嘉穎咁，另一半美貌與智慧並重，而娛樂圈中其實都有不少男藝人娶得港姐冠軍為妻，睇睇有邊幾對！

撰文：150cm女孩@Central | 圖片來源：新傳媒、節目截圖、Instagram

鄭嘉穎陳凱琳8月大婚

49歲的鄭嘉穎與27歲的陳凱琳，今年8月12日在峇里舉行百萬婚禮，陳凱琳成為最美最幸福的鄭太！據知去年聖誕嘉穎已求婚成功，陳凱琳這半年來一直在籌備她的夢幻婚禮。雖然今次未有在香港大排筵席，但嘉穎亦跟足傳統娶陳凱琳，過大禮及禮金都做足。

感恩節公布喜訊

至剛過去的星期四(11月22日) 晚上，陳凱琳率先上載一張與鄭嘉穎擁抱的合照，表示喺感恩節呢個大日子帶來好消息，宣布家庭將會有一位新成員！恭喜恭喜！

盤點7個娶得港姐冠軍歸男藝人

1. 高麗虹、洪金寶

高麗虹是中國及澳洲混血兒，1984年參加香港小姐競選並獲得冠軍及最上鏡小姐，兩年後加入電影圈。

年輕時的高麗虹不能單單用美來形容，既漂亮演技又好的她因為嫁洪金寶後漸漸淡出演藝圈，有不少觀眾都大感可惜。

洪金寶的四名兒女都是跟韓藉前妻所生的，而高麗虹是洪金寶的第二任妻子，二人並沒有兒女。

高麗虹雖然是洪金寶四名兒女的後母，但他們相處非常融洽。

2. 袁詠儀、張智霖

「靚靚」袁詠儀參加1990年香港小姐競選獲得冠軍及最上鏡小姐，之後在電視劇及電影界屢創佳績，其中兩度奪得香港電影金像獎最佳女主角殊榮。

袁靚靚與張智霖在2001年成婚，雖然外界曾一度認為是女尊男卑的關係，當時亦有不少Chilam花心的傳聞，但都沒有影響二人的感情。

二人育有一名兒子張慕童，乳名魔童，外表也很像帥氣的張智霖！

袁詠儀晒魔童12歲生日正面照

不知不覺魔童已經12歲，靚靚喺IG上載同魔童切餅興生相：「12th Happy Birthday ！快樂少年！」張繼聰、胡杏兒等人留言祝賀壽星仔生日快樂，而網民都話魔童遺傳媽媽、爸爸優良基因，愈嚟愈似媽咪！

View this post on Instagram
12th Happy Birthday 🎂 快樂少年
A post shared by 袁詠儀靚靚 (@anitayuenwy) on Nov 12, 2018 at 4:18am PST

3. 郭藹明、劉青雲

郭藹明曾經就讀於嘉諾撒聖心書院，1991年以美國南加州大學機械工程學碩士生參選香港小姐競選，學歷之高可謂歷屆中數一數二，當年除了獲得冠軍寶座之餘，更贏得國際親善小姐及最佳談吐幽默獎！

郭藹明與劉青雲這對圈中模範夫妻，自94年拍拖，98年6月17日拉埋天窗，早前正正係二人結婚20周年！兩人結婚20年依然恩愛甜蜜，兩人婚姻的保鮮秘技，原來要多得雙碩士港姐老婆郭藹明，持家有道之餘仲溫柔識撒嬌，成功將老公治得貼貼服服！

劉青雲和郭藹明結婚多年，至今行街仍會甜蜜拖手，恩愛羨煞旁人，能夠令婚姻保鮮，劉青雲坦言全靠老婆郭藹明功勞，他大讚老婆說：「太太係我人生最好嘅禮物，佢好聰明，我鍾意咩、唔鍾意咩，唔使講佢都一清二楚！」

人生最大膽一次

事實上，當年鼓起勇氣追求現任劉太，劉青雲曾表示這是他人生最大膽一次！據知情者透露：「青雲同Amy都係多得周慧敏撮合，94年Vivian開演唱會，因為知道青雲對Amy有意思，就邀請佢兩個一齊去睇演唱會，幫青雲製造機會。始終當時Amy有學識又靚，而青雲事業先啱啱起步，第一次約 Amy去街，青雲仲硬住頭皮叫Amy揸車去接佢，然後一齊食飯。所以到依家佢都成日提起，好感激老婆當時冇嫌棄佢！」