黯夜守護者丨區明妙演反叛學生被受關注 為演員夢放棄做韓國練習生
TVB新劇《黯夜守護者》搵嚟「視帝」陳展鵬與陳煒主演,近日劇情主要圍繞中五學生Maisy(羅毓儀 飾)賺快錢而當援交少女,不過疑因過量吸毒致死,被發現伏屍後巷。警長方梓翹(陳煒飾)及高輝(陳展鵬飾)負責調查案件,而好友Cindy(區明妙飾)亦係嫌疑人之一。區明妙以往都飾演過唔少學生妹角色,今次佢表面係一名乖乖女,但私底下係一名吸毒、偷錢又鍾意呃男人錢嘅問題少女,成功吸引網民關注。
區明妙喺劇中飾演何欣遙Cindy,出身於富貴嘅單親家庭,不過佢嘅價值觀扭曲,除咗為錢去做兼職女友,佢仲吸毒、偷錢及教唆家境清貧又孝順嘅Maisy去做兼職女友,導致Maisy出事,被發現伏屍後巷。唔少網民都留意區明妙嘅外貌,紛紛留言大讚佢可愛又靚女,例如「樣靚腳正又後生」、「妙妙都算新一代最靚」、「妙妙點解可以咁得意」、「眼大大幾靚女,屬於係BabyFace可愛嗰種」,另外,亦有網民大讚佢演出有驚喜同Cindy好衰,更指佢「壞過凱婷好多倍」 。
現年21歲嘅區明妙被封為「港版周子瑜」,係前Honey Bees成員之一,過往喺唔少劇集飾演學生妹角色,例如《親親我好媽》、《她她她的少女時代》、《愛上我的衰神》及《青春不要臉》等等,今次佢憑《黯夜守護者》飾演表面乖乖女,內裡反叛嘅問題學生Cindy,再度受到關注。現實生活中嘅區明妙擁有甜美精緻臉蛋及一雙水汪汪嘅大眼睛,勁吸超過10萬追蹤者,佢不時上載可愛相片及分享生活點滴到社交網站與網民分享,深得網民愛戴。另外,區明妙喺2017年曾獲韓國娛樂公司邀請前往當地做練習生,不過當時佢就覺得自己仲未完成學業,韓國娛樂圈太大競爭,再加上佢鍾意演戲多過唱歌,所以佢最終選擇留喺香港發展。
是日精選
姜濤混血表妹楊佳琪Angelina爬頭拍Netflix美劇 背景強大被指係「翻版苟芸慧」
英女王逝世︳羅蘭扮過「事頭婆」60次 呢位洋人都係扮女王能手
按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可換領限量新人禮,立即下載!