「第五屆 觀眾在民間電視大獎2020」賽果出爐 TVB捧蛋ViuTV成為大贏家

《萬千星輝頒獎典禮2020》結果名單早前經已揭曉，由王浩信及蔡思貝成為新一屆視帝及視后，唔知大家滿唔滿意今屆嘅得獎名單呢？雖然無綫有13個獎項由全港Big Big Fun用戶及無綫評委會投票選出，但都唔係百分百由觀眾選出，相信總有一啲賽果會有觀眾不滿。唔滿意唔緊要嘅，不如睇下社交網站專頁「方以文 睇電視喇喂」舉辦嘅「第五屆 觀眾在民間電視大獎2020」，呢度嘅賽果係百分百由市民喺網上提名及投票㗎！得獎名單喺今日正式出爐，而家就同大家睇下啦！

民選最佳男主角：鄭中基《暖男爸爸》

民選最佳女主角：鄧麗欣《男排女將》

民選最佳劇集：ViuTV《男排女將》

民選最佳劇本：ViuTV《男排女將》

民選最佳攝影：ViuTV《男排女將》

民選最佳男配角：盧瀚霆《男排女將》

民選最佳女配角：余潔滢《男排女將》

民選飛躍進步男藝員：顧定軒

民選飛躍進步女藝員：林二汶

民選最佳綜藝節目：ViuTV《全民造星III》

民選最佳主持：強尼《全民造星III》

民選最佳時事資訊節目：RTHK《鏗鏘集》

民選最佳戲劇拍檔：力圖排球隊《男排女將》

民選最佳戲劇橋段：力圖家瑜互相砥礪

民選最佳電視歌曲：《My Only One》鄭中基

睇返今屆嘅賽果，ViuTV喺15個獎項中奪得12個，當中自家製劇集《男排女將》成為大贏家，分別獲得「民選最佳女主角」、「民選最佳劇集」及「民選最佳劇本」等大獎。而無綫及香港開電視就均「捧蛋」，喺各項目都未能晉身五強位置。

按此下載全新應用程式Yahoo APP，並以Yahoo電郵免費登記成為會員，即時可完成簡單任務賺取Ypoints，憑分即可換領不同獎賞！ 新人更可即時換領限量新人禮，立即下載！