龔嘉欣冇大冇細 開槍射黎耀祥要害

東方日報
·1 分鐘文章
龔嘉欣
龔嘉欣

黎耀祥與龔嘉欣在無綫劇《殺手》中,有不少埋身肉搏戲,私下卻非常老友,早前嘉欣更公然「挑機」,與祥仔大鬥槍法,並鬥足3個回合!其中一個回合,二人互射對方肖像測試眼界,比試前,祥仔盡顯紳士風度問:「嘉欣,你想我打你邊度?」嘉欣即說:「打我最大嘅地方……我對眼!」但祥仔眼界麻麻,未有打中指定目標,相反嘉欣則槍槍打中祥仔「要害」,勝出該回合。

提到在《殺手》首次合作,二人即互笠高帽,嘉欣說:「如果退休前未同祥哥(黎耀祥)合作到嘅話,絕對係遺憾。開頭未認識佢時,以為佢好Cool,但合作過程發覺佢好照顧後輩,而且仲好專業。記得有場戲佢拍到身水身汗,膝頭都腫晒,我就等埋位食緊薯條,但佢一句怨言都冇,坐埋一邊飲水,印象好深刻!」祥仔也大讚嘉欣是他見過最搏命的女演員,鮮有用替身,令他非常佩服。

龔嘉欣「挑機」成功,槍法勝過大前輩黎耀祥!
龔嘉欣「挑機」成功,槍法勝過大前輩黎耀祥!