龔嘉欣心臟血管出事 否認得罪高層被雪藏:公司好錫我!

龔嘉欣心臟血管出事 否認得罪高層被雪藏:公司好錫我!
龔嘉欣心臟血管出事 否認得罪高層被雪藏:公司好錫我!

無綫花旦龔嘉欣現身商場聖誕活動,剛與一班朋友飛日本一個月的她,到了東京及福岡,旅遊之餘順道了解當地食店新技術,雖然台慶前已回港,但因身體問題未能出席,她說:「因天生心臟血管問題,台慶需要好長時間,所以公司都好體諒(即係咩事?)血管位生歪咗,如果要做手術要開胸,屬於大手術,醫生都建議唔好做,呢排就做啲短時間嘅工作,之後都會拍新劇。(身體咁都拍到劇?)都OK,之前《新四十二章》都照拍打戲,但怕大家擔心先冇講。(病發時會點樣?)有時心口痛,要食藥減慢心跳。」

談到《新》劇兩度被抽起,嘉欣解釋因該劇與大陸同步播映,故需要重新配音及剪接才能播放,問到可有失望?她說:「以公司安排為大前提,只要對部劇好,做演員都會配合。」而她憑《十八年後的終極告白2.0》及《回歸光影頌:究竟天有幾高》兩劇入圍角逐視后,問到可有信心?嘉欣表示:「一定要對自己有信心,但最開心係套劇令觀眾有共鳴,一齊陪笑陪喊,(對邊套比較有信心?)《十八年》,因為我同Shaun(譚俊彥)喺入邊都合作得好好,大家創造咗好多驚喜出嚟。佢又好唔錫身,比我任打都OK。」

對於有指今年提名名單惹爭議,嘉欣坦言沒有留意,連自己入圍亦是昨晚才獲悉:「好多朋友話投我票,先醒起要開始拉票(對頒獎禮持放棄態度?)唔係,我好積極,只係未發力,個名單尋日先出,依家拉票都未遲,要好好地諗吓點樣拉票。套劇播咗之後有回響已經很開心,如果有獎梗係錦上添花。」她更指要食定藥出席頒獎禮。談到有指因得罪高層被雪藏?嘉欣對此表示:「公司好錫我,嚟緊已經安排咗拍劇,係一個正能量嘅角色。」

無綫花旦龔嘉欣現身商場聖誕活動。
無綫花旦龔嘉欣現身商場聖誕活動。
透露因天生心臟血管問題,未能出席台慶。



又指公司好錫佢,否認得罪高層被雪藏。



原文網址:龔嘉欣心臟血管出事 否認得罪高層被雪藏:公司好錫我! | on.cc東網 | 繽FUN星網 https://hk.on.cc/hk/bkn/cnt/entertainment/20221122/bkn-20221122142558939-1122_00862_001.html
透露因天生心臟血管問題,未能出席台慶。 又指公司好錫佢,否認得罪高層被雪藏。 原文網址:龔嘉欣心臟血管出事 否認得罪高層被雪藏:公司好錫我! | on.cc東網 | 繽FUN星網 https://hk.on.cc/hk/bkn/cnt/entertainment/20221122/bkn-20221122142558939-1122_00862_001.html
又指公司好錫佢,否認得罪高層被雪藏。
又指公司好錫佢,否認得罪高層被雪藏。