龔嘉欣情傾機師 排戲濕晒

龔嘉欣賽前睇好麥大力勝出做新同事。
龔嘉欣賽前睇好麥大力勝出做新同事。

龔嘉欣與應屆港姐冠軍謝嘉怡等擔任星級評判,其中龔嘉欣還跟參賽者重演《香港愛情故事》的情節,她說:「會有床戲……係床上嗌交嘅戲,同埋求婚戲。(點解唔演番真床戲?)可能對參賽者嚟講太難!」在旁受訪的羅天宇踢爆她喜歡麥大力:「佢哋有一場求婚戲,佢(龔嘉欣)開心過同我拍。」龔嘉欣聞言笑說:「係呀!但係兩回事嚟嘅,麥大力原來除咗係機師,仲係醫生,雖然中文差啲,但佢講對白好真誠,綵排時都講到我眼濕濕。(想搵佢做男友?)我想佢成為我嘅新同事。」

而謝嘉怡同樣「睇中」麥大力,讚他做機師很叻,問到是否特別鍾情混血兒?她說:「可能!佢人好好,同我講嘢一樣嘅,大家同聲同氣。(揀佢做男友?)唔好啦!我又唔係搵緊男朋友。」提到早前隨父親去同鄉會後被叫做「東莞小姐」,她摸不着頭腦說:「吓!我係香港小姐,冇參加過嗰個選舉喎!」

謝嘉怡自爆鍾情混血兒,同聲同氣。
謝嘉怡自爆鍾情混血兒,同聲同氣。