龔嘉欣愛情觀轉變 曾遭前度家暴發誓唔靠男人

·2 分鐘文章
龔嘉欣愛情觀轉變 曾遭前度家暴發誓唔靠男人
龔嘉欣愛情觀轉變 曾遭前度家暴發誓唔靠男人

龔嘉欣(Katy)入行13年,喺日前舉行嘅《萬千星輝頒獎典禮2020》獲得「馬來西亞最喜愛TVB女主角」和「最受歡迎電視女角色」兩獎,演技備受肯定。龔嘉欣喺14歲時已經開始做模特兒拍廣告,17歲時放棄升讀大學,選擇入讀演藝學院學演戲及唱歌,做藝人嘅目標非常明確,今年可以講係終於捱出頭來。

31歲嘅龔嘉欣現時單身,唔急於拍拖結婚,一直密密工作,原來同個人經歷有關。佢父母喺深圳經營塑膠用品生意,之後關係疏離,所以龔嘉欣就話佢年輕時好需要愛情,好想有人依賴好恨結婚。不過而家佢嘅諗法同以前完全相反,佢發誓唔靠男人,亦唔再輕易相信愛情。因為試過被前度男友家暴,當時佢哋喺度吵架,前度男友將佢推向門口,令佢腰間撞正門鎖受傷,當時龔嘉欣選擇原諒對方,佢諗返都覺得自己傻。

一向形象斯文柔弱嘅龔嘉欣,14歲入行,17歲時更試過為有線拍世界盃宣傳片,之後仲成功加入有線擔任《潮流旗鑑店》主持。19歲時參演劇集《盛裝舞步愛作戰》後正式加入無綫,初期龔嘉欣經常飾演妹妹及少女角色,例如《我的如意狼君》高爾雅、《誰家灶頭無煙火》鍾思雅、《情越雙白線》張曉晴及《拳王》莊寶琪等等。近年佢嘅戲路越嚟越廣,更憑《幕後玩家》飾演賢妻良母程思汝奪得「最佳女配角」,演技有目共睹。今年觀眾有機會睇到更多變化嘅龔嘉欣,《大醬園》不擇手段嘅細么、《殺手》癲喪女殺手Dark Angel、《香港愛情故事》正宗港女Katy及《堅離地愛堅離地》富二代王子菲,演出亮眼,深得觀眾喜愛。

龔嘉欣
龔嘉欣
龔嘉欣
龔嘉欣
龔嘉欣
龔嘉欣
龔嘉欣
龔嘉欣
龔嘉欣
龔嘉欣
龔嘉欣
龔嘉欣
龔嘉欣
龔嘉欣
龔嘉欣
龔嘉欣
龔嘉欣
龔嘉欣
龔嘉欣
龔嘉欣

按此下載全新應用程式Yahoo APP,並以Yahoo電郵免費登記成為會員,即時可完成簡單任務賺取Ypoints,憑分即可換領不同獎賞! 新人更可即時換領限量新人禮,立即下載!