龔嘉欣衝事業 拒嫁豪門?

嘉欣難得等到機會上位,當然要瞓身搏殺!
嘉欣難得等到機會上位,當然要瞓身搏殺!

日前舉行的台慶頒獎禮中,龔嘉欣及張振朗分別獲得馬國視后及「最受歡迎電視男角色」等獎項,可謂大豐收!人紅自然是非多,早前爆藝人搭飛機秘聞的網紅「空姐阿Sa」就在網上爆料,指嘉欣為事業,連豪門都不入:「有位馬來西亞空姐識得啲豪門阿姨,話龔嘉欣曾經有位當地富二代男朋友,對方好錫佢,啲錢任佢使,仲打本畀佢開火鍋店,但佢有少奶奶唔做,自己放棄咗呢份愛情。我聽朋友講,當地嘅豪門嗰陣已經收到晒佢哋嘅婚訊。」

其實嘉欣被指有富貴男友已非新鮮事,她亦一直否認,昨日回應時表示:「唔係第1次聽到啦,但都會接受呢個祝福。現階段好開心,會繼續專注事業。」

該網紅又指「張生」人前人後兩個樣,見高拜見低踩。疑為主角的張振朗受訪時表示不回應不實傳聞。

近期表現突出的張振朗招來是非。
近期表現突出的張振朗招來是非。