龔嘉欣轉行做保母?

龔嘉欣自認識照顧小朋友。
龔嘉欣自認識照顧小朋友。

黎諾懿與龔嘉欣昨日出席活動,談到兒子「小春雞」日前被蚊叮到耳仔紅腫,諾懿透露當時兒子於室外掘泥,他則忙於清洗工具,沒想過如此短時間出事:「佢隻耳仔起碼被咬咗4、5啖,腫咗兩倍,見佢返入嚟咬到腫晒,個心寒一寒,結果老婆嬲咗我兩日,佢講咩我都話OK。個仔被蚊咬之後發燒,我照顧佢都兩晚冇覺好瞓。」提到正佗第2胎的太太,他表示太太預產期是12月初。

而嘉欣笑言近期忙做保母,照顧好友陳凱琳兩名兒子。問諾懿可有「筍盤」介紹給嘉欣?他笑言:「佢使乜呢!以佢嘅條件唔需要筍盤,只要一開口,啲男仔排到落樓下啦!」氹得女方哈哈大笑。

黎諾懿讚龔嘉欣條件好,大把人追。
黎諾懿讚龔嘉欣條件好,大把人追。