龔嘉欣默默奮鬥終上位 向傳媒剖白拒做少奶奶原因

龔嘉欣默默奮鬥終上位 向傳媒剖白拒做少奶奶原因
龔嘉欣默默奮鬥終上位 向傳媒剖白拒做少奶奶原因

31歲嘅龔嘉欣喺《萬千星輝頒獎典禮2020》獲得「馬來西亞最喜愛TVB女主角」和「最受歡迎電視女角色」兩個大獎,正式升呢成為一線花旦,嚟緊仲有四套劇集等住佢拍,做咗咁多年終於上到位。前排有傳龔嘉欣為咗演藝事業,而放棄嫁入大馬豪門做「少奶奶」,喺接受傳媒訪問時嘉欣終於剖白拒做少奶奶嘅原因。

前年盛傳嘉欣撻著大馬富二代Bryan,男方送車送樓兼送火鍋店,戀情傳得熱烘烘,仲講到男方已經擇好日子,只要嘉欣應承就可以嫁入豪門。對於呢件事嘉欣都有默認,佢話自己都31歲,都已經唔係細個,考慮結婚最重要係家庭同事業取得平衡。佢話搵拍拖對象唔難,但要搵到一個人可以互相支持對方嘅工作唔容易。作為娛樂圈嘅人,佢要顧及埋另一半嘅感受係更加唔容易。之後又講到佢唔會為結婚而結婚,因為佢第一份工就係做演員,唔會為另一半放棄艱苦經營咗13年嘅事業。佢仲話自己唔使男人照顧,亦唔介意將來公一份,婆一份。嘉欣強調想搵一個體諒到佢嘅人, 而家疊埋心水調理身體同賺錢供樓。對於網民替佢攞唔到視后唔抵,佢就話有咁嘅成績已經好開心,都想盡快可以達到視后目標。

龔嘉欣喺14歲入行,17歲時更試過為有線拍世界盃宣傳片,之後仲成功加入有線擔任《潮流旗鑑店》主持。19歲時參演劇集《盛裝舞步愛作戰》後正式加入無綫,之後參與唔少劇集拍攝,不過都係飾演妹妹及少女角色居多,例如《我的如意狼君》高爾雅、《誰家灶頭無煙火》鍾思雅及《拳王》莊寶琪等等。近年佢嘅戲路越嚟越廣,16年憑《幕後玩家》飾演賢妻良母程思汝一角,成功奪得「最佳女配角」,演技備受肯定。上年觀眾睇到更多變化嘅龔嘉欣,包括《大醬園》不擇手段嘅細么、《殺手》癲喪女殺手Dark Angel、《香港愛情故事》正宗港女Katy及《堅離地愛堅離地》富二代王子菲,佢成功將每一個角色演活,深得觀眾喜愛。

龔嘉欣
龔嘉欣
龔嘉欣
龔嘉欣
龔嘉欣
龔嘉欣
龔嘉欣
龔嘉欣
龔嘉欣
龔嘉欣
龔嘉欣
龔嘉欣
龔嘉欣
龔嘉欣
龔嘉欣
龔嘉欣

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!