龜龜冇晒後腳 獸醫用LEGO整義肢

19+

 

義肢唔止係人類先要用,動物有身體有缺陷,

獸醫都會幫佢地度身訂造輔助行動嘅義肢。

 

貓貓狗狗裝義肢都見過,龜都有?

 

Pedro呢隻可憐小龜,被領養嗰陣已經冇咗一條後腿,

可能因為新環境驚驚,Pedro逃走之後又走返屋企,連另一隻後腳都冇埋。

 

主人帶佢去到路易斯安拿州立大學獸醫學院求醫,

好在傷勢冇造成生命危險,

但係得返2隻前掌拖行成個身體,始終唔方便。

 

龜嘅義肢應該冇咩廠商整過,但係難唔到呢班白色巨人……

佢地諗到用Lego積木嘅組件同車轆,

再用對動物無害嘅黏合劑,整咗副義肢俾Pedro!

因為個底座係Lego組件,所以個輥要拆同裝都好方便。

Pedro嘅屋企人對呢個設計讚不絕口,仲話而家佢行得好快!

 

獸醫院代表就話,因為要治理嘅動物咩品種都有,

2克定2000公斤都有,所以要用好多匪夷所思嘅方法去解決問題先得。

原文傳送門

你可能還想看