首頁>副刊>>

出院爭抱B仔 胡諾言 陳琪連環放閃

藝人 胡諾言 (胡仔) 的太太陳琪雖然早年試過流產,本以為無法再生育,但今年卻奇蹟地懷上B仔!兩人的第三個愛情結晶品Jayden於上星期出世,今日胡仔到醫院接太太出院,期間兩人除搞笑地爭抱B,更不斷向B仔送吻,幸福感滿溢!

 

險切除子宮 陳琪成功為胡諾言佗第三胎

蘇民峰 2017雞年運程率先睇

延伸閱讀:

一家三口甜蜜慶生 回顧朱茵 黃貫中恩愛史

「讓自己活得快樂」女神 欣宜 成長奮鬥史

胡仔與陳琪結婚七年,兩人現育有一對女兒,7歲的芷苓(Jay Jay)和三歲半的芷悠(Jacey),一家四口樂也融融。但其實陳琪三年前曾試過流產,當時懷孕7周的陳琪流血不止,要立刻做懷孕終止手術外,幾乎要切除子宮保命。兩人本已無意再生育,不過沒有計劃下卻出現奇蹟,今年竟發現再度懷孕,而且係B仔!

胡仔及陳琪第三個愛情結晶品於上星期五(10月14日) 出世,B仔重8.1磅,超級精靈可愛,眼同鼻都似爸爸。另外陳琪生完B亦非常精神,兩公婆齊齊與B仔自拍,好幸福!

休息數天後,陳琪今日中午時份在胡仔陪同下出院,當時Jayden睡得正甜,即使閃光燈狂閃都未有醒來。兩人一副「有子萬事足」的表情,笑容燦爛,期間更爭住抱B仔,場面惹笑又溫馨!

爸爸媽媽一齊錫B仔!

陳琪生B咁辛苦,胡仔當然要在鏡頭前錫老婆,閃死人啦!

胡仔喜獲麟兒,一班「Crazy Runner」成員早前亦到醫院探B仔,包括有胡定欣、李施嬅、袁偉豪及謝東閔,不過就未見另一骨幹成員陳山聰。事後陳琪上載眾人合照並留言︰「Jayden B 就好啦!!出世一日就可以加入 crazyrunner ….同各位靚姐姐靚哥哥做隊友!……」Jadyen真有面子!

「Crazy Runner」由一班熱愛長跑的TVB藝人組成,骨幹成員包括胡仔、袁偉豪及陳山聰等,不時都見到佢哋跑步大晒結實肌肉;另外幾位「胡說八道會」花旦如胡蓓蔚、胡定欣及姚子羚亦是成員之一,眾人曾出戰香港馬拉松、越野賽等,透過運動發放正能量。未知Jayden將來會唔會好似爸爸及一班哥哥姐姐咁,成為運動健將?

全文完

延伸閱讀:

身教慳家貼地生活 發哥 特訓繼承人

【留言區公告】
雅虎香港歡迎並尊重用戶發表意見,不會主動審查或刪除用戶留言。

提示:請在張貼留言數分鐘後,在討論區最上方按「最新的」,便會看到討論區內所有最新留言。此外,為了防止討論區被濫用,系統不會接受同一用戶在短時間內多次留言。倘用戶未能在新聞討論區內找回自己的留言 ,可瀏覽相關的說明