首頁>副刊>>

【由朝玩到晚】喪玩彈床電動車 再嘆平價抵食韓式BBQ

香港地要搵好野食、好野玩一定要識捐窿損罅,尤其是住係新界嘅朋友,唔一定要成日出市區搵好去處!新界勝在地方闊落,玩起上嚟都舒服啲。

花花世界兒童樂園集攤位、充氣彈床、電動車等小朋友至愛玩樂設施於一身,假日都人來人往十分熱鬧,馬上先帶大家去睇下電動車場。

20161017 4892 a1

車場面積大約有半個足球場咁大,車款由電單車到越野車都應有盡有,除左電單車之外,其他車款係真係需要小朋友親自踩油門控制,十分過隱。

20161017 4892 a2

年紀太細未必踩到油門或自己控制車仔嘅小朋友都唔洗驚,家長可以問職員借用遙控器,係仔女身後代為駕駛,咁就媽咪有得玩,小朋友都有得玩!

20161017 4892 a3

彈床方面雖設於戶外,但衛生情況良好,場內都設有唔少可愛造型嘅障礙物方便小朋友追逐嬉戲。

20161017 4892 a4

呢條比較短嘅滑梯就最受小朋友歡迎,不過家長要留意返唔好比小朋友坐太近玩,以免發生意外。

20161017 4892 a5

全場最高嘅滑梯就係呢條啦,安全起見會有職員嚴格看管,確保每次只有一位小朋友玩,滑梯最高點都有接近四、五米左右,大膽嘅小朋友一定要嚟挑戰下!

20161017 4892 a6

要數花花世界兒童樂園最特別嘅一定係有得玩War Game,子彈雖然係啫喱狀水珠,但近距離擊中對小朋友嚟講都可能都幾痛!所以唔太建議年紀太細嘅小朋友參與,同埋玩果陣一定要配戴由職員提供嘅護眼罩,咁就玩得安全家長又放心。

20161017 4892 a7

War Game場都提供左唔少遮掩紗布,令遊戲變得更刺激緊湊,仿如置身於小型戰場一般。

 20161017 4892 a8

同場仲有大量攤位遊戲,有撈金魚、拋波波、氣槍等,大家可以根據個人喜好參與。

20161017 4892 a9

近年好流行嘅VR遊戲係呢到都有機會體驗一番,不過就有身高限制,比較多家長試玩。

20161017 4892 a10

放曬電仲可以坐低抖下,玩下小勞作製作一個獨一無二嘅紀念品比自己。

20161017 4892 a11

嚟緊萬聖節花花世界兒童樂除左會布置得更有氣氛之餘,仲會推出特別活動優惠,大家記得扮靚靚先嚟玩!

20161017 4892 a12

花花世界兒童樂園

地址:天水圍天慈路馮家圍30號B

營業時間:逢星期六、日及公眾假期 14:00-22:00

收費

跳彈床 $40/15分鐘   $160/2小時

電動車 $30/10分鐘   

兒童車/單車  $20/10分鐘

全日任玩套票 $280

攤位及勞作工作坊則另外收費

優惠

2點後入場至晚上10點(套票減$10)

到花花世界兒童樂園現場上Facebook打咭+一張現在環境相(公開貼文),可享95折(折扣不包括額外加人數)

花花世界兒童樂園隔離就係花田韓式燒烤場,食物質素高之餘收費仲好合理!玩完即刻嚟呢到燒野食就可以一個地方由朝玩到晚。

按我馬上查看花田韓式燒烤場有乜咁特別!

想追蹤更多最新最好的親子資訊?請瀏覽我們 親子頭條專頁

最新健康新聞

【留言區公告】
雅虎香港歡迎並尊重用戶發表意見,不會主動審查或刪除用戶留言。

提示:請在張貼留言數分鐘後,在討論區最上方按「最新的」,便會看到討論區內所有最新留言。此外,為了防止討論區被濫用,系統不會接受同一用戶在短時間內多次留言。倘用戶未能在新聞討論區內找回自己的留言 ,可瀏覽相關的說明
搜尋