首頁>副刊>>

細女意外曝光 陳豪驕傲 ︰好在夠靚

陳豪 與陳茵媺(Aimee) 呢對娛圈夫婦確實係幸福家庭典範,Aimee早年為老公誕下梓燁和浩鋒兩位公子,今年四月又再添小公主Camilla,三年抱三,羨煞旁人!陳氏夫婦早前探望上月誕下B女的前港姐張嘉兒,張嘉兒上載合照時卻不慎令Camilla樣貌意外曝光!對此 陳豪 毫不介意,更驕傲地說︰「好在個女夠靚。」

 

 

 

昨晚無綫進行《跳躍飛騰TVB邁向50周年》台慶亮燈活動,台前幕後傾巢而出,介紹唔少重點台慶節目。其中台慶劇《來自喵喵星的妳》昨晚首播,男主角 陳豪 直言對收視有信心,因為呢個組合係之前《鬼同你OT》班底,壓力不大。至於有沒有信心奪視帝,佢就謙虛道︰「睇吓今年自己運氣好唔好。」

另外提到日前張嘉兒在微博上載一張合照拼圖,其中一格中見到 陳豪 抱住細女Camilla,令女兒樣貌意外曝光! 陳豪 接受訪問時表示,當日與Aimee探望張嘉兒的B女,所以順便帶埋Camilla一齊去,因為要餵奶!

陳豪 都係事後先知道Camilla曝光,不過就覺得冇所謂,反正都已經係第三個小朋友。佢又搞笑咁話好在個女夠靚、撐得住場,依家五個月大,好似肥豬仔咁接近30磅!另外 陳豪 指有與張嘉兒分享湊仔經,更笑稱如果想多產,秘訣就係「密啲手」!

全文完

延伸閱讀:

一家三口甜蜜慶生 回顧朱茵 黃貫中恩愛史

「讓自己活得快樂」女神 欣宜 成長奮鬥史

出院爭抱B仔 胡諾言 陳琪連環放閃

【留言區公告】
雅虎香港歡迎並尊重用戶發表意見,不會主動審查或刪除用戶留言。

提示:請在張貼留言數分鐘後,在討論區最上方按「最新的」,便會看到討論區內所有最新留言。此外,為了防止討論區被濫用,系統不會接受同一用戶在短時間內多次留言。倘用戶未能在新聞討論區內找回自己的留言 ,可瀏覽相關的說明