首頁>副刊>>

與Stephy分手半年 方力申秘撻何超蓮

今年三月,方力申與鄧麗欣(Stephy) 突然宣布分手,結束十年情,令不少人大為震驚,為這對金童玉女的分開大感可惜。兩人事後多次淚灑人前,小方亦明言希望復合,但Stephy都不為所動。正當大家同情小方之際,原來佢已經更上一層樓,極速撻着細自己11年的賭王三房千金何超蓮!

 

一家三口甜蜜慶生 回顧朱茵 黃貫中恩愛史

「讓自己活得快樂」女神欣宜成長奮鬥史

延伸閱讀:

兩索人妻玩sheshe《幕後玩家》煒哥激咀陳自瑤

多年來被抹黑? 莫少聰晒舊照炮轟洪欣

猶記得今年三月時,小方與Stephy突然透過公司發聲明宣布分手,正式結束十年情。多年來無論在電影中還是現實,佢哋金童玉女形象早深入民心,唔少人對兩人分開感難以置信。

小方與Stephy分開後,每出席公開活動時都會被追問分手一事,兩人更多次淚灑人前。雖然男方曾揚言努力箍煲求復合,但Stephy則堅拒復合,表示自己的世界裏沒有童話,在公在私都刻意跟前度劃清界線。

不過正所謂「時間可以沖淡一切」,分手半年後小方已經重新出發,踏上另一個高峰,因為今次對象唔係咩歌手索模,而係人稱「至索千金」的賭王何鴻燊三房千金何超蓮!據知小方早前在李蘊女兒的百日宴上認識超蓮,席上即大獻殷勤,坐在超蓮身邊,兩人有講有笑。更有傳兩人在超蓮好姊妹G.E.M.刻意拉線下,今年七月已開始拍拖!

事緣小方擔任「點滴是生命」活動大使多年,早前出發到尼泊爾做義工,探訪位於喜馬拉雅山山腳的貧民區。據知過往三年小方都係有Stephy陪同,但今年女主角就換上人氣女飛魚歐鎧淳,以及與小方前後腳飛去當地的超蓮!

超蓮本來答應擔任香港舉辦首屆Formula E賽事,不過未有待整個比賽結束,便提早飛住尼泊爾會合小方。雖然貴為千金小姐,但超蓮在山區五日四夜瞓睡袋亦無怨言,又落手落腳與當地人煮飯,叻女!

探訪結束後,小方及超蓮於15日離開尼泊爾,兩人在機場如同孖公仔形影不離,狀甚親暱。排隊等候安檢時,小方更不避嫌細心將水遞給口渴的超蓮,更幫對方開埋蓋,一支水,兩份飲!

遠在他方,戒心自然降低,小方之後更忍唔住出手掃超蓮玉背,又幫對方按摩頸部!小方咁細心,超蓮即時露出一副冧樣!之後兩人一度離隊,匿埋一角睇相傾偈,可見關係匪淺!

對於傳出新戀情,超蓮就例牌否認,佢表示同小方只係普通朋友,去尼泊爾純粹係探訪。一支水兩份飲唔係真的,其實係一人各帶一支水,臨上機前飲多一啖而已。至於按摩,係因為探訪由朝早5點開始做到夜晚,期間又要擔水又要煮飯,所以小方先幫手按兩下!超蓮重申小方係一個可靠的朋友,但唔係男朋友,現階段佢只會俾心機工作及俾心機讀書。

全文完

延伸閱讀:

「緣盡今生 來世再續」 胡楓今淚別亡妻

【留言區公告】
雅虎香港歡迎並尊重用戶發表意見,不會主動審查或刪除用戶留言。

提示:請在張貼留言數分鐘後,在討論區最上方按「最新的」,便會看到討論區內所有最新留言。此外,為了防止討論區被濫用,系統不會接受同一用戶在短時間內多次留言。倘用戶未能在新聞討論區內找回自己的留言 ,可瀏覽相關的說明