《降魔的2.0》客串陣容強勁 江嘉敏即將登場飾演高難度角色

·1 分鐘文章
《降魔的2.0》劇照
《降魔的2.0》劇照

由馬國明、黃智雯、胡鴻鈞、劉佩玥及譚凱琪等人主演嘅無綫靈異劇《降魔的2.0》,唔經唔覺已經播咗3星期,劇集口碑尚算不俗。除咗題材吸引及靚女演員雲集之外,劇集仲搵嚟唔少演員客串,令觀眾驚喜萬分,例如已經出咗街嘅有朱千雪、林淑敏、何雁詩、歐瑞偉、李偉健、安德尊及羅蘭等等,最新將會登場嘅有「清純女神」江嘉敏。

江嘉敏今次喺《降魔的2.0》客串飾演嘅17歲嘅盲眼少女嘉嘉,係豪仔(胡鴻鈞飾)嘅初戀情人,第13集佢已經出現過,不過只係出現喺豪仔嘅回憶入面,所以喺聽晚第15集先至正式登場。劇情將會講述豪仔知道自己唔能夠擺脫「海魔」操控,所以喺失落時就諗起多年前認識少女嘉嘉(江嘉敏飾),不過現時嘉嘉已經係一位失明人士,佢雖然睇唔到,但係可以用心去感受到豪仔嘅存在。

江嘉敏對第一次扮演失明人士,覺得幾有挑戰性,加上劇集講述佢同胡鴻鈞有好多回憶片段及初戀感覺,同時飾演失明人士嘅神情都要跟足,所以江嘉敏話係一個高難度角色。

《降魔的2.0》劇照
《降魔的2.0》劇照
江嘉敏
江嘉敏
江嘉敏
江嘉敏
江嘉敏
江嘉敏