【Bookmark定】疫後旅行必定興起農莊遊 台灣親子農場介紹

【Bookmark定】疫後旅行必定興起農莊遊 台灣親子農場介紹
【Bookmark定】疫後旅行必定興起農莊遊 台灣親子農場介紹

執筆期間,多國表示針對新冠肺炎疫苗試驗都有進展,已經去到人體試驗階段。唔少人開始對疫苗有憧憬,一旦世界真係回復正常,相信香港人最開心嘅終於可以去旅行!正如好多專家推斷,就算世界旅遊業回復正常,世人旅遊嘅方式一定有改變,人少、戶外、健康都會大趨勢。對於香港人而言,台灣又近又方便,最正係當中有多個發展得十分好嘅農莊,作為親子農莊遊,以下幾間大家一定會mark低!

無邊際泳池 仙湖農場

位於台南東山區「仙湖休閒農場」,結合泳池、沙地、草原、動物等元素,位於半山之上,一望無際嘅山景及草原美景,遠眺嘉義及台南。農場中有唔少打卡位,包括韆鞦、無邊際泳池等。此處仲歡迎人客帶寵物,所以入住時可以見到唔少狗狗於草地上跑動。小朋友遊樂設施包括沙池、動物農莊,可以供遊人餵飼。住宿方面,農莊設有多間小木屋,日式設計非常舒適安逸。另外農莊附近有唔少著名咖啡店,可以外出嘆下咖啡,四圍遊覽。

地址:台南東山區一鄰6-2號

預訂:按這裡

最靚打卡位當然係農莊入面嘅無邊際泳池。
最靚打卡位當然係農莊入面嘅無邊際泳池。
農莊有觀景台,可以遠眺嘉義、台南市。
農莊有觀景台,可以遠眺嘉義、台南市。
住宿方面為全日式小木屋,景觀一流!
住宿方面為全日式小木屋,景觀一流!

候鳥聚居地 向禾漁場

向禾漁場係非一般農莊,因為當中有唔少漁港元素。漁場以《海賊王》為主題,有當中主角海盗船「梅利號」,因此又名「海盗村」。漁場可以摸蜆、釣魚、捉蟹等,甚至可以坐漁船出海撈海菜。最開心當然係可以即場BBQ燒最新鮮嘅海鮮漁獲!最特別係向禾為濕地地質,所以係候鳥聚居地,包括紫鷺、琵嘴鴨、魚鷹、雀鷹、東方白鷺、灰面鷹等等,為觀鳥好地方!

地址:嘉義東石鄉四股67-6號

預訂:按這裡

向禾漁場有別一般農莊,以海洋為主題。
向禾漁場有別一般農莊,以海洋為主題。
可以坐船仔出海玩,機會難得。
可以坐船仔出海玩,機會難得。
可以即場BBQ燒海燒,勁新鮮呢!
可以即場BBQ燒海燒,勁新鮮呢!

歐陸鄉村遊 台一生態農場

位於南投嘅台一生態農場,一入去就尤如進入歐洲小鎮一樣。當中一排排小木屋,塗上唔同顏色,農場內有歐陸庭園、水上花園、空中花園等,以「花」作為主題,設有溫室花園,秋天更有楓葉睇!一年四季各有唔同特色,例如自設蜂場可以飲新鮮蜂蜜,又有士多啤梨農場即摘即食。農場於今年年初翻新過,新增親子園區,有小型泳池兼兒童滑水梯及沙池,小朋友最愛!

地址:台一生態農場

預訂:按這裡

當中另有水上小木屋,相當有歐洲感覺。
當中另有水上小木屋,相當有歐洲感覺。
打卡位極多,水上庭園當然一大靚位。
打卡位極多,水上庭園當然一大靚位。
今年最新開幕兒童嬉水區。
今年最新開幕兒童嬉水區。

青蛙、鸚鵡做主題 三富農場

位於宜蘭嘅三富休閒農場,可以話世上絕無僅有以青蛙及鸚鵡做主題嘅農場!呢度被群山環繞,本身已經有30多年歷史,不過近日正式翻新完成,園內起咗最新主題住宿區,更有玻璃屋咖啡廳。農莊主人飼養咗好多青蛙及鸚鵡,湖入面更有大量錦鯉,形成一個完整嘅生態環境,而且農莊內動物係自由行走,兔仔、雞等都可以於庭園內生活,更設有夜間生態導覽活動呢!

地址:宜蘭冬山鄉中山村新寮二路161巷82號

預訂:按這裡

農場近月先翻新,設計有現代感。
農場近月先翻新,設計有現代感。
於農莊內所有動物都自由生活。
於農莊內所有動物都自由生活。
湖中有主人悉心飼養嘅錦鯉。
湖中有主人悉心飼養嘅錦鯉。