【Bookmark定】關西5間人龍刨冰店 其中一間要等6小時?!

踏入七月，天氣愈來愈熱，日本女生都瘋狂熱愛食刨冰(かき氷)，一方面可以降溫，另一方面色彩繽紛的刨冰，賣相吸引，輕易成為打卡名物。日本關西有不少有名的刨冰店，以不同新鮮生果打造成美美的「雪山」，有些人氣店更需要晨早拎籌先有得食，甚至等幾個鐘，好似以下呢5間人氣刨冰店，下次夏季去大阪記得試試啦!

奈良: Kakigori ほうせき箱

店內冰品以新鮮水果打造，用料多且味道配搭有創意，大受當地人歡迎，稱得上係奈良第一冰店。店內一位難求，甚至有人轉售其預約券，相當誇張。預約方法有多個，奈良燦路都酒店、奈良倶楽部、松前旅館、古都之宿武藏野的住客可透過酒店預約；第二方法係預約日4天前的晚上9點，於這裡預約；第三個方法係早上8點半去排隊拎籌，店子一般係9點開始派籌，每日都火速派完。

網址: 按這裡

大阪: かき氷研究所

店子通常於12點開業，每到11點半左右門口便排滿人龍，營業過後便要拎籌等候，好天氣的話，等3小時以上屬平常事。刨冰份量較大，即叫即製，醬汁都鋪滿冰上，相當有睇頭。推介芝麻味刨冰，芝麻味濃香；桃味刨冰清新不膩，配上粉紅色火龍果汁，打卡一流。

網址: 按這裡

神戶: こおり屋bambu

位於神戶三宮的こおり屋bambu，每日只開三小時，由11點至2點，採用完全預約制，只能網上預約，不接受Walk in，大家可於預約日兩天前的晚上9點在這裡網上預約，名額亦係火速爆滿，想食的話要準時預約! 冰品每日有三款，呢期有櫻桃、桃以及紫蘇味，各自配上各式各樣的食材，好味之餘亦有賣相。

網址: 按這裡

京都: お茶と酒 たすき 新風館店

為衹園冰店「お茶と酒 たすき」的二號店，於今年6月11日在京都新地標新風館開業，拎籌兼等待時間足足需要6個小時，相當誇張!! 新店推出抹茶及焙茶味刨冰，以超華麗容器盛載，齋睇賣相都好有氣勢。至於值唔值等6小時就真係見仁見智啦!

網址: 按這裡

大阪: cocoo cafe

位於大阪市西區「靭公園」附近的 cocoo cafe ，主打招牌的「火焰刨冰」有咖啡、紅茶、抹茶、等口味，係於刨冰加上焦糖燉蛋醬及糖粉，再用火槍燒至脆身，上暖下冷的口感，令一眾冰迷冒名而來。同之前4間冰店一樣，呢間都係人龍店，一星期只開三日，可於這裡網上預約，不接受Walk in客。

網址: 按這裡