【Yahoo Lunch K】遲來的青春期 乖乖女黃妍28歲想學反叛?!

·4 分鐘文章

上星期【Yahoo Lunch K】請嚟Cath 黃妍同咪霸吳林峰一齊玩遊戲,傾傾計。疫情爆發差不多一年,大家嘅生活都受到好大影響,Cath 回想出道兩年以嚟一直顧住喺事業上衝衝衝,忙到無停手,今年因為疫情影響,差唔多無做過live表演,無出過show,但Cath 覺得今年反而係慢慢調整咗個人步伐,重新學習更多新事物,接觸更多唔同類型嘅音樂、電影、文化,研究自己嘅聲線唱腔,好好裝備自己,提醒自己要 keep 住進步。

「塞翁失馬,焉知非福」係Cath 對2020年嘅形容。
「塞翁失馬,焉知非福」係Cath 對2020年嘅形容。
今年Cath 其中一首作品《遲起的鳥兒有蟲吃》MV截圖
今年Cath 其中一首作品《遲起的鳥兒有蟲吃》MV截圖

Cath 一直予人乖乖女形象,好文青,好守規矩咁,但其實有時佢都會有啲小調皮嘅時候,煮餸唔跟食譜、病咗唔聽醫生指示,都好隨性,呢首歌係Cath 同李一丁合作寫歌, 喺一丁鼓勵下,Cath 打破平時自己嘅規律,唔理對錯,帶出咗自己貪玩嘅一面畀大家。

問到Cath 最調皮、最曳一次係點嘅呢?Cath 話有次朋友生日,Cath 唔揀送花,反而係買咗紮西蘭花搭棵蔥送俾朋友!都幾好笑,但對比咪霸吳林峰嘅曳嘢,Cath反叛程度簡直係BB學前班!問到如此純良嘅Cath 平時究竟有無天使同魔鬼嘅掙扎呢,Cath 發現其實身邊啲朋友一直都會畀啲唔同挑戰佢,無論音樂上定生活大小事上,最近佢仲畀朋友半呃半氹成功挑戰刻服咗多年都怕水嘅陰影,玩咗獨木舟!

派台新歌《我心中尚未崩壞的部分》
派台新歌《我心中尚未崩壞的部分》

Cath 今個月派台新歌《我心中尚未崩壞的部分》由周耀輝同黃樂儀兩師徒合作填詞,歌曲就由Cath 同林家謙負責,歌曲承接《牆身有裂》講述一個人與原生家庭嘅關係,我哋或者無法選擇出生於哪個家庭,但喺每個人生命當中,慢慢你會搵到能夠與你同行的人,捉緊你、拉住你,叫你不至於崩壞。歌名係由周耀輝決定,係日本小說家白石一文嘅小說書名,Cath 笑言認識周耀輝後,發現自己心態上比周耀輝仲老態、規矩,有更多課題要繼續向佢學習。

Cath 與周耀輝 (IG圖)
Cath 與周耀輝 (IG圖)

歌詞中有句「心至少一寸未變壞」,在這個如斯崩壞的世界,大家能把自己未崩壞的一塊與他人連結,與同行者一起去面對這個醜惡的世界,是Cath 想帶出的訊息。

在這個時期,作為一名唱作歌手,Cath 會如何自處呢?Cath 相信做音樂不用跟隨主流,要做的是堅持自己的音樂創作,曾經有網上留言指Cath 的作品比較另類、奇怪,Cath 坦言並唔介意,並會努力做自己想做嘅音樂。

歌詞版MV插畫中,世界正在墜落崩潰,但有一股力量把女孩拉回去,MV的每一句歌詞更由 Cath 親手寫出。(MV截圖)
歌詞版MV插畫中,世界正在墜落崩潰,但有一股力量把女孩拉回去,MV的每一句歌詞更由 Cath 親手寫出。(MV截圖)

2020年就快完,Cath 今年出咗四首歌,佢話最大挑戰就係新歌《我心中尚未崩壞的部分》,在編曲technique上一啲都唔容易,每一首作品對佢都係一個挑戰。Cath 非常感激監製 Edward 一路以來嘅指引。受疫情影響,本來打算喺今年推出嘅大碟將會順延到明年,Cath 希望明年年中前可以順利推出,大家拭目以待。

近來接觸多咗不同音樂嘅Cath 推薦日本樂隊 鬍子男嘅《 I love》,編曲非常特別。
近來接觸多咗不同音樂嘅Cath 推薦日本樂隊 鬍子男嘅《 I love》,編曲非常特別。

睇更多YAHOO LUNCH K BACKSTAGE內容:

【Yahoo Lunch K】唱作人吳林峰:《唱。歌》

【Yahoo Lunch K】Kendy休團單飛 從創作中尋找情緒出口