雅虎香港新聞 13歲香港少女受欺凌 停學做CEO連馬雲都讚
Hillary講得一口流利英語，13歲就停學，搞APP做CEO，原來背後有一段校園欺凌經歷。
13歲嘅你做緊乜？
來自香港嘅葉礽僖（Hillary）13歲停學，
創辦一隻APP叫做MinorMynas，
讓全球小朋友可以透過呢隻APP交流語言，
例如我想學西班牙文，而一個西班牙人想學廣東話，
大家就可以互相教授，
亦有多個語言學習小組，
隨時可以發問外語句子點講，
好快就會有會員幫你翻譯。
點解有呢個idea呢？
話說Hillary講得一口流利英語，
當佢要學普通話時卻遇到困難，
心想如果隨時可以有人問到教到就好，
於是就用半年時間，搞咗隻MinorMynas！！！
呢個APP引嚟馬雲創業基金會注意，
邀請佢去演講。
Hillary談套非常成熟，
面對全場大人去介紹MinorMynas都冇怯場，
而且講得頭頭是道，屢獲全場掌聲。
可能你會問，13歲就停學？
阿爸阿媽點解咁大膽？
原來停學背後仲有個故事，
Hillary唔追明星，唔會群埋同學傾男仔，
所以喺學校唔合群好孤獨，
甚至受到欺凌，
媽媽話接Hillary放學時，發現個囡有異樣，
就係個囡一定係最遲走，
細問先知原來Hillary被欺凌，躲喺廁所唔敢出嚟，
要等到啲同學走哂佢先肯走，
Hillary情緒仲差到扯自己頭髮。
媽媽覺得咁樣不能接受，於是同Hillary停學。
停學之後，Hillary變返原來嘅自己，
整個人開心返哂，
仲做埋CEO！！！
圖片來源：一条 YIT 睇片
19＋精選推介
秒like 19+ Facebook！
