19歲女機師 計劃3個月環遊全世界
飛機師一向男多女少,不過並不代表女性唔擅長飛行呢。19歲少女Zara Rutherford就計劃駕駛小型飛機用3個月時間橫越5大州一共52個國家,如果成功就會成為單獨駕駛小型飛機環遊世界嘅最年輕女機師!
Zara駕駛嘅係超輕嘅小型飛機Shark UL,淨重325公斤,Zara目標係每程飛行最耐5至6個鐘,然後就會停泊於小型機場補給及休息,盡量唔阻礙當地交通,佢已經得到多個國家嘅入境許可,包括洪都拉斯、格陵蘭、沙地阿拉伯等等。Zara目前已經開始咗第一段旅程,就係由自己家鄉比利時飛越英吉利海峽到達英國。Zara就話希望自己此舉可以鼓勵更多女性去學飛,投入航天業咁話呢。
按此下載全新Yahoo APP,緊貼城中好去處、Staycation攻略、行山路線、野餐地點推介,仲有新人禮等你拎,立即下載!
相關文章: