193晨早撐自家Pop Up Store 獲Do姐加持

【星島日報報道】男團ERROR近排除忙於拍劇外，又積極籌備今個月中舉辦的演唱會，雖然馬不停蹄，但向來瓣數多多的193（郭嘉駿）亦不忘搞自己品牌。今個聖誕節，193主理的品牌LILABOC聯乘尖沙嘴某商場，首度開設Pop Up Store。日前193在社交網貼出多張照片作宣傳，其中一張合照，他以Emoji遮了嘉賓的樣貌，並大賣關子表示：「今年請到神級嘉賓大駕光臨」，不少網民都紛紛留言推測是鄭裕玲（Do姐）：「呢個企姿咁似Do姐」、「我都估係Do姐」等等。

日前，本報記者便直擊193清晨秘密現身尖沙嘴商場打卡，為免人多擠逼，兼引起混亂，193一大清早6點便到了Pop Up Store打卡，見他在椅子上簽名，又寫上「3仔到此一遊」、「自肥可恥」等字句，相當搞笑，更攬 火柴人「3仔」合照，表情多多，非常鬼馬。

昨日，Do姐就在社交網貼出照片，公開自己便是那位神秘嘉賓，並力撐193寫道：「早排收到193 電話，得知佢個人品牌會舉行首個大型展覽，見佢咁俾心機，一於 支持下。 到現場見到咁靚 場景，就真係知佢個品牌咩料，真係替佢高興，繼續加油！」 文：娛樂組

■193趁朝早到商場打卡。

■Do姐大讚193好有心機營運個人品牌。

■193識做送上自家品牌 衣予Do姐。

娛樂