2月洩蜜 原來未追到 游學修拖手斷正 認戀網紅女神

游學修與Jessica十指緊扣,冇得唔認拍拖!
游學修與Jessica十指緊扣,冇得唔認拍拖!

藝人游學修今年2月被爆與「網紅女神」陳苡臻拍拖,但他當時矢口否認。不過日前2人被拍下拖手照,拍拖斷正!男方受訪時表示戀情剛萌芽1星期,絕無講大話,不想戀情高調,但之後於社交網自爆拍拖,公開認愛。

31歲游學修出道以來感情生活多姿多采,先後跟「宅男女神」蘇麗珊及曾樂彤拍拖。今年2月,他跟旗下網上頻道藝人、有「女神世一」之稱的陳苡臻(Jessica)拍片時,被發現交換飯盒食兼一杯檸茶兩份飲,惹來網民熱議,因女方跟港隊劍擊運動員任俊霖拍拖6年,懷疑她一腳踏兩船!當時游學修火速否認拍拖,但指Jessica與男友去年已分手。

遇上車禍 擦出愛火

不過昨日有讀者爆料,指游學修與Jessica於科學園拍拖,更拍下他們拖手照,有圖有真相!男方昨日受訪時終認愛,但堅稱剛開始拍拖一星期,故之前沒有講大話。他坦言拍拖經過相當「驚險」:「上星期我哋同一班同事遇到車禍,對方不顧而去,呢件事觸發我哋拍拖嘅,其實我一直都想低調處理感情事,真係唔想講咁多。」

雖然他不欲多談感情事,但受訪後卻極速在社交網自爆戀情:「之前凍檸茶事件,本來唔想回應(未追到點公開講未追到呢),有啲嘢不可能攤開肚皮,觀眾又會按自己知道嘅時序去設想,只想說當時冇講大話,依家都冇。好唔想好唔想上新聞,每次娛樂報道都會換來惡毒留言……祝福留喺呢度可以了,多謝大家!」男女拍拖本屬平常事,但看其留言有所顧慮,難怪他受訪時笑言:「好定唔好真係見仁見智。」

2人於餐廳撐枱腳。
2人於餐廳撐枱腳。
游學修希望低調處理感情事。
游學修希望低調處理感情事。
Jessica樣子甜美,被封「女神世一」。
Jessica樣子甜美,被封「女神世一」。



我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能