不知道大家是否已開始籌備 2016 年的外遊計劃？如果還沒有，筆者就特地為大家精心製作了一份 2016 旅遊全攻略，全部均是筆者自己多年外遊的心得，加上一些讓大家善用科技的建議，務求令大家都可變身旅遊達人！

如何活用「連假」請盡假期 ?

要來個外遊，首先你要識精明地請假！點先叫做請得精明？就係最好拖住連續幾日紅假咁請，咁就可以請得最少 AL 的情況下，去到最長的旅行！至於請假攻略，大家可以瀏覽早前我們的 2016 年請假攻略。

2016 年外國特別節日

請了假，就決定到哪裡玩了！講起旅遊點，最受港人歡迎的肯定是日本及台灣，但可能去過不只一遍，要用新角度了解旅行地點，可以在有特別節日的時間到訪!

一月：

日本睇雪景、中國哈爾濱（冰雕節）、南極睇企鵝、挪威欣賞北極光

二月：

南極睇企鵝、欣賞北極光、巴西森巴嘉年華、台灣平溪天燈節、台灣臺南元宵睇鹽水蜂炮、意大利威尼斯面具節 + 托斯卡尼海邊嘉年華

三月：

欣賞北極光、日本睇櫻花、紐西蘭睇魔戒拍攝場地

四月：

泰國潑水節（可同時去布吉享受陽光與海灘）、日本睇櫻花、台灣墾丁春浪音樂節、希臘住白色小屋

五月：

任何北半球國家（南半球國家已開始進入冬季，不太建議）

六月：

冰島睇大自熱景色

七月：

西班牙奔牛節、台灣臺東鹿野熱氣球嘉年華、日本富良野或法國普羅旺斯睇薰衣草

八月：

東非動物大遷徙、西班牙蕃茄節

九月：

東非動物大遷徙、欣賞北極光、加拿大睇紅葉

十月：

日本 / 加拿大睇紅葉、欣賞北極光、德國慕尼黑啤酒節

十一月：

日本睇紅葉、南極睇企鵝、欣賞北極光

十二月：

日本睇雪景、南極睇企鵝、芬蘭睇聖誕老人村 + 欣賞北極光、31/12 至下年 1/1 各地跨年活動（台北 101、紐約時代廣場、悉尼大橋等）

長／中／短線玩法:

短線（4 日或以內）：

台灣、廣東省、東南亞國家（例如：泰國、新加坡、馬來西亞等）

中線（5 日至 8 日）：

中國長線（例如：雲南、四川、東三省、絲綢之路等）、韓國、日本、印度、中東各國

長線（8 日或以上）：

英國、法國、西班牙 + 葡萄牙、美國、紐西蘭、澳洲、南美洲各國等

至於去哪些景點？由於各人喜好不同，筆者在此就不作詳述了，下文安排行程內文會教大家如何搜尋適合自己的景點。

計劃行程篇

度好日期，之後就是計劃行程的時候！其實呢個時候你要問自己：你係屬於「唔想煩」類，還是崇尚「自由主義」類。以下就讓筆者為兩類人介紹不同的行程計劃玩法啦。

「唔想煩」類

要唔想煩，最簡單自然是跟團去旅行啦，尤其是如果未去過某些國家，又或者扶老攜幼，跟團去玩「實無死錯人」，而最重要係：唔洗度行程！當然，跟得團行程較「行貨」是意料之內，但最少夠穩陣，一家大細都開心嘛！當然，如果你是成家人十幾廿人一齊去的「大家族旅行」，有些旅行社也會提供度身訂造的行程，讓大家不用擔心能否成團之餘（尤其是在淡季！），亦不用跟不認識的團友一齊玩，還有個領隊陪著大家跟出跟入，點都方便好多啦。至於預備時間方面，其實在出發前兩至三星期左右開始去旅行社拿資料，然後快速做決定就可以了，因為太早去，旅行社亦未必有相關資料給大家。

「自由主義」類

如果你是崇尚自由主義，肯定不會甘於玩旅行團那麼悶，或許你會選擇一些較冷門的國家，例如：中東、非洲、南美洲等，又或者會選擇熱門國家，但到訪一般旅行團不會帶大家前往的餐廳、景點等。但要「自由」就自然要付出，細至每日的行程，大至交通安排及食宿，都要一一想好（除非你是想玩快閃隨心遊啦，但要有無得住隨時要瞓街的心理準備……）。所以預備時間會長得多，最好就起碼出發前 3 個月左右就開始預備，還要在出發前 4 個月至半年內，隨時留意有沒有平機票或酒店，如果有的話，隨時可為行程慳上一大筆哩！

想自由行又唔想 Plan 行程 (自動 Plan 行程網)

想自由行前，要事前準備好多資料，有人會買書有人會跟討論區提議，最簡有個 Mioji 智能行程規劃使用方法簡單直接，只要選好旅行的目的地和設定簡單的個人喜好，它就會自動幫你規劃行程，不用在網上搜來搜去找尋機票、住宿、景點資料等，最適合沒時間安排行程的朋友。詳細使用方法可看＜這裡＞

參考當地人 blogs / Trip Advisor

機票、住宿均安排好，下一步就是安排景點行程了。很多人會覺得最簡單莫過於閱讀坊間旅遊書，或者到旅行社參考他們的行程，但如果跟著去，所看到的只會是最「行貨」的景點，食到玩到的亦只是最普通的東西。如果想玩得「地道」一點，其實可以搜尋一下當地人寫的 blog，又或者搜尋一下別人到訪該國家的文章，或許會有意外驚喜呢！至於搜尋的時候，輸入 XX 好玩或者 yyy fun（XX 及 yyy 為地方名），一般都可以找到了。

搵野玩搵野食推介 APP

最後一種 APP，尤其是如果大家係自由行，雖然係香港個時都應該一早搵定去邊個景點、玩乜同埋食乜，但可能都會遇上當地節慶或者「漏網之魚」睇唔到，又或者預計咗去某景點或餐廳但唔記得咗預先記低點去。其實 App Store / Play Store 上面都有唔少旅遊觀光 APP 俾大家免費下載，大家可以睇住資料去規劃每一日的行程，咁就唔怕去漏啦。

▲其實呢類 APP 好多，不過如果講到可信度，TripAdvisor 應該會較高，而且比較偏門的國家都有，而且資料由網民提供，「賣廣告」成份較少，有一定參考價值。

TripAdvisor（iOS）：https://itunes.apple.com/hk/app/tripadvisor-hotels-flights/id284876795?l=zh&mt=8

TripAdvisor（Android）：https://play.google.com/store/apps/details?id=com.tripadvisor.tripadvisor&hl=en

「芒實」各大航空公司有無平飛

首先就當然是訂機票（除非大家是去廣東省或澳門這些超短線遊啦……），機票要買得平，以前可能要靠旅行社 quote 價，但今日大家只要預早捕實各大航空公司的官方網站或 Facebook，一看到有優惠機票活動，而又有你想去的航點，就盡快入手先買先贏，咁就可以買到平機票啦！以下筆者會推介幾個經常推出平機票的航空公司，大家可以參考一下（點按名稱可進入）：

• 國泰 fanfare（世界各地都有，逢每星期二提供新航點優惠，每次不同）

• HK Express（屬廉航，主要飛中國、東南亞、日本及韓國，經常有優惠）

• 樂桃 Peach（屬廉航，只飛日本大阪及沖繩，不定時有優惠）

• Air Asia（屬廉航，主要飛東南亞、中亞及澳洲，不定時有優惠）

廉航 or 傳統航空公司分別

另外大家可能會問：究竟訂機票應該訂一般航空公司，還是廉航會較好？其實這是視乎大家去的日數及你的旅行風格如何：如果你是背包客，一個背囊已裝齊所有裝備，又確定沒有不能帶上飛機的東西在背囊內，去的日數又不算多（一般為 3 – 4 日），機程又不長（一般為 4 小時內），大家可以考慮選擇廉航，因為一般也是比較便宜；但如果大家預計會買很多手信 / 戰利品回港，本身行李又多，又或者飛的鐘數或外遊日子較長較多，還是選回傳統航空公司會比較划算。筆者自己就兩種航空公司的航班都搭過，以下為大家簡單講講兩種航空公司航班的分別：

一般航空公司

• 可免費預先網上 check-in + 揀位

• 會有免費寄艙行李托運（一般應是 20kg / 人）

• 手提行李有約 7kg 重量可免費帶上飛機

• 飛行途中會無限量供應飲品或水

• 一般會有飛機餐，短途的亦會有小食餐

• 一般也會有免費娛樂設備供應（可睇電影、聽歌、睇劇集或節目等）

廉航

• 可網上 check-in，但如要揀位就要在買機票時加錢才可

• 所有要托運的行李均要付費，一般會有幾種重量供大家選擇，而來、回程的重量可不同

• 手提行李有約 7kg 重量可免費帶上飛機

• 飛行途中沒有免費飛機餐、飲品或水，全部需要付費購買

• 一般也沒有免費娛樂設備

• 有機會臨時改時間

酒店格價網反為更貴

Book 完機票自然是到酒店，無論去什麼國家，只要是較發達的（例如：韓國、日本、台灣、澳洲、歐美等國），一般也可以選擇是住民宿或者傳統酒店，以往要搵平酒店同樣要靠旅行社，但近年多了很多酒店格價網供大家選擇，例如：Expedia、Hotels.com、HotelsCombined、Agoda、Trivago 等，直連各酒店或專門訂酒店網站自己的訂房系統，基本上幫你格價，十分方便。

另外有些格價網更提供租車、甚至當地活動的優惠，基本上是一站式搵齊大家所需。值得一提的是，部分格價網除網站外，亦有 APP 供大家搜尋酒店優惠資料，令大家搵平酒店更方便。以下是筆者較常用的幾個格價網，供大家參考一下（點按名稱可進入連結）：

不過值得一提不一定格價網最便宜，建議各位先到酒店自家網站查詢價格，很多時會比格價網做得便宜，還有更多附送優惠，這情況尤其日本為甚 !

• Agoda

• Expedia

• Hotels.com

• HotelsCombined

• Trivago

想平要靠 Airbnb ，但注意「裝 CAM」

但如果大家想住得過癮點，其實可以考慮住民宿，筆者近幾年旅行都係靠 Airbnb 呢隻 APP，一來容易搵到比酒店更便宜的住宿，就算大家有無限 budget，都一樣搵到較特別的住宿地方，例如：樹屋、古堡、農場等，有些住宿甚至會提供其他服務，例如：學整麵包、小工藝等，讓大家可以體驗非一般的外遊經歷。另外對於一家大細去旅行的朋友，用呢隻 APP 亦比較容易找到一間屋的 apartment，一家人住埋一齊，點都方便過住酒店要分幾層樓幾間房啦。

Airbnb 由於沒有規管，所以筆者建議入住時小心人身安全，人多的話會比較安心，另外女士們要注意不要裸著身子通處跑，因為你不知道房內會不會裝了針孔攝影師，要避免的話記得兩個防 CAM 偷拍的要點，浴室(水氣) 及光有咁暗得咁暗，換衣服的話可以在眠被或毛巾中更換

iOS 版下載

Android 版下載

Download 旅行預備清單 CheckList

而在臨出發前一個月，大家是時候要為旅程作最後準備了！除了最後檢查護照有否過期、機票酒店等是否已完全安排好、是否已選好機位等（只適用於一般航空公司或加了錢可揀位的廉航），還最好預備一份外遊執行李 checklist，當臨出發執行李時，按著清單逐項檢查，那就不用擔心執漏東西了。大家如果懶得預備，可點按此瀏覽及下載。

上網買旅保小心過時

另外，大家亦記得！記得！記得！要買旅遊保險，大家輕則可以唔洗蝕得咁甘，重則如遇上意外，可以盡快回港就醫。如果大家真的忘記了或沒有時間買，去到機場 check-in 後才記起，其實只要大家未入禁區，其實也可以透過不同銀行的櫃員機即時買到旅遊保險；又或者只要上到網，然後到保險公司網站，有些亦可供大家即時購買。所以大家真的沒有藉口忘記買了。

有的旅保會限你最少於航班出發前 X 小時購買，要特別注意，但早買的話有些保險是包括由你家中出發去機場及機場回家那一程的保險

以下就讓筆者提供幾間筆者試過又覺得 OK 的旅遊保讓大家選擇啦。

藍十字：http://www.bluecross.com.hk/ch/homepage/index.html
中銀保險：http://bocg-ins.bocgroup.com/zh-tw/website/index/
蘇黎世保險：https://www.zurich.com.hk/

預先下載離線地圖

可能大家會覺得：既然可解決當地上網問題，有什麼事或者要搵路，上 Google Maps 找方向或地點不就可以了嗎？為什麼還要下載離線地圖？但實情是去到其他國家，不像香港般多數地方都可以高速 4G 上網，有些較偏遠地方可能連 3G 上網都會有點慢！在這情況下，如果能預先下載好離線地圖，就算完全不能上網都唔洗驚撞失路。至於如何下載離線地圖，大家可以參考以下教學：

Step 01：

首先入 Google Map APP，並在搜尋格輸入將到訪的城市或者景點名稱。

Step 02：

然後點按左方景點圖右上角的點點按鍵，並點按「儲存離線地圖」。

Step 03：

然後選擇希望儲存的範圍，完成後點按「儲存」。

Step 04：

再輸入地點或景點名稱，就完成啦，地圖會儲存在「您的地點」列表中。

Step 05：

當去到外國時，打開 Google Map 並點選搜尋格左方的三橫線按鍵，然後選擇「您的地點」。

Step 06：

然後就會睇到儲存的地圖，點按它就可以睇到地圖啦！

Step 07：

可以見到即使放大了，基本主要街道名都睇到，但如果要睇景點詳細資料，就要上到網先睇到啦。

其實除了 Google Maps，坊間都有不少第三方公司研發的離線地圖，好像這款 MAPS.ME，不但有齊圖資，還可以離線導航，十分適合自駕遊人士使用。

MAPS.ME（iOS）：https://itunes.apple.com/hk/app/maps.me-li-xian-de-tu/id510623322?l=zh&mt=8

MAPS.ME（Android）：https://play.google.com/store/apps/details?id=com.mapswithme.maps.pro&hl=en

唔識搭車 ? 裝定公共交通 APP

去到外國，除非你是自駕遊，否則都好難避免要搭公共交通工具，例如：巴士、地鐵、火車等等。其實今日如果你去的是發達國家（例如：日本、南韓、台灣、歐美等），好多公共交通工具都有營運公司或者第三方 developer 寫的 APP 的資料，當中肯定包括路線圖、時間表、路線搜尋、甚至可能有下一班到達時間。有咗呢 D APP，再係指定時間早 15 分鐘左右到站等，咁就唔驚 miss 咗班車要等下一班啦。

▲要用 APP 搵日本 JR 資料，無問題啦。

▲去到台北，要睇捷運資料都搵得到。

當地上網篇

WiFi 蛋 VS SIM 咭 ?

今時今日去旅行，既然大家都拿著智能手機，當然要解決在當地上網的問題啦。其實這方面一般有兩項選擇：一是租 Wi-Fi 蛋，另一就是買 pre-paid SIM。至於哪樣較抵玩，其實不同國家不同情況，但整體而言，如果你是自己一人背包遊，又不介意用 3G，買 pre-paid SIM 會比較划算；如果是情侶或者一家人或朋友同行，又或者會有多於兩部手機要上網（例如：兩部手機、一部平板、可能多部手提電腦），咁就租 Wi-Fi 蛋上網會比較抵。另外，大家要留意的是，如果是買 pre-paid SIM，要留意你的裝置是否支援當地 SIM 卡的網絡（一般大品牌的旗艦機款都可支援），如果不能的話，就可能真的要考慮租蛋，又或者直接用香港網絡商提供的漫遊日費計劃了。

注意純 DATA 無 VOICE

最後值得一提，如果是買 pre-paid SIM，不少國家會有兩種卡供大家選擇：一種是具備通話功能，另一種就純 data 上網。前者 data 上網量會較少，一般會有限制；而後者就有更多 data 流量供大家使用，但就不能講電話。筆者建議大家可選擇後者，除非大家一定要用手機電話功能講語音通話，否則其實透過 VoIP 的 APP，例如：Skype、Viber 等，仍能通話之餘，用的又是數據用量，上網又不用就住就住，會用得更 free。不過值得一提的是，如果想要有無限數據的 pre-paid SIM，通常也只提供 3G 網絡，4G pre-paid SIM 一般也是有限制用量的，所以建議大家在出發前要先自行搵料（不過一般都有多至 6GB 用量的選擇，一定夠用啦）。

另外，近年各國亦有不少網絡商，透過租借大網絡商網絡，為自己的顧客提供上網及通話服務。而大家要做的，就是出發前先上網預訂一張沒有 plan 的 SIM 卡，然後到達當地時拿取 / 或叫他們寄到酒店，然後再充值，就可以使用。這類手機上網服務，未必有 4G 網絡，通常也只有 3G，但勝在一點：平！尤其是在歐美國家，大家可以考慮哦！

搵免費 Wi-Fi APP

雖然大家都會買定數據卡，但有 D 國家可能無無限數據選擇，剩係得有限 500MB 或者 1GB，用完就要再充值先再有得用。所以建議大家都 download 定搵免費 Wi-Fi 熱點的 APP，當想坐低上下網 hea 下，又或者想搵個有得食野飲野又有得 Wi-Fi 上網的地方時，開個 APP 附近有咩熱點一目瞭然。

Wi-Fi Finder（iOS）：https://itunes.apple.com/hk/app/wi-fi-finder/id300708497?l=zh&mt=8

Wi-Fi Finder（Android）：https://play.google.com/store/apps/details?id=com.jiwire.android.finder&hl=en

唔使打 IDD 啦

仲 IDD 咁貴 ? 如果返到酒店加埋 Edward 上面教你用番自己個 Router，接收咁 ok ，可以用 Smart Phone 的 Skype / Facetime/ Facebook /Line 等等呢類 VOIP 軟件

兌換外幣篇

要去旅行，執行李都唔係最麻煩，最驚就係兌外幣時被人呃，或者睇唔啱兌換率換貴咗。以下 unwire Edward 就建議大家幾個方法，等大家可以用最抵兌換率，換到最多的外幣出遊啦！

方法一：香港兌換

第一個方法，就係係香港兌換定。至於香港可供大家兌換外幣的地方，最方便肯定係銀行（除非大家真係咁大頭蝦完全無咗件事，否則千祈千祈唔好去到機場入禁區後的兌換店暢外幣，通常兌換率都奇差！）。如果係常見的外幣，例如：日元、韓圜、人民幣、英磅、歐羅、美元、澳幣等，大銀行都有足夠存貨（除非大家係一次過兌十幾萬港元的外幣啦 Orz……），但都建議大家打定電話落銀行度預留，咁就唔洗行兩次。呢種係本地兌換最方便的方法，不過就要收手續費。

如果唔想俾手續費，好多人都會去中環百年兌換，不過就排隊排餐死，大家最好預留半日排隊兌換外幣，同埋最好平日去會少 D 人。至於兌換率，無論身處香港定係外國，都可以透過以下兩個辦法查閱。

▲TTRate 提供各銀行即時匯率，一般無該銀行戶口可留意「現鈔銀行賣出」。有外匯戶口就可留意「電匯銀行賣出」。

TTRate：http://hk.ttrate.com/zh_hk/index.php?b=0&c=JPY&s=3&t=3

▲手機上亦有「香港外幣匯率」App，可隨時在手機查看兌換率。

香港外幣匯率（Android）：https://play.google.com/store/apps/details?id=com.eks.hkrate&hl=zh_TW

外幣現金匯率（iOS）：https://itunes.apple.com/hk/app/wai-bi-xian-jin-hui-lu/id599398231?l=zh&mt=8

方法二：找換店兌換

如果去到外國，最方便當然係搵找換店兌換啦，如果講到方便中的方便，肯定係係當地機場暢錢，不過機場找換店兌換率一定無咁好（雖然都已經比香港機場好得多啦……），建議大家去到市區先至搵找換店暢外幣，一般遊客區或者商業區都會有，咁會划算好多。不過建議大家都先用上面提及過的 APP check 清楚當日的兌換率，然後搵間最接近的找換店兌，咁就唔怕蝕大底啦。另外提一提大家，如果係連鎖酒店，比較大型的都可以在前台暢外幣，不過兌換率一般比係找換店更差，除非真係急住用，否則盡量唔好咁做。

方法三：銀行直接禁

其實而家兌外幣，要方便都唔洗咁麻煩，直接用香港銀行的提款卡，在外國銀行的櫃員機直接禁外幣出來都已經得，而且同係銀行、找換店甚至酒店暢更接近香港兌換率，不過同係找換店、銀行一樣都係要收手續費（兌一次收一次）。基本上大家去到搵有銀聯標誌的櫃員機就得，不過有三點要記住：第一係你張提款卡一定要支援銀聯系統，如果唔清楚可以直接問番香港的銀行；第二係出發前一定要係銀行開通「境外提款服務」，唔係既話就算銀行戶口多多錢都禁唔到架啦；第三係每間銀行每日海外可供提款的最高金額都未必一樣，不過一般都係 2 萬港元左右，對於一般人來講應該都夠用啦。

番外篇：信用卡付款抵唔抵？

去旅行，有 D 人都會帶定一兩張信用卡傍身，萬一唔夠錢都可以碌住先，仲可以儲積分來換飛行里數，隨時可以為下次旅程的免費機票做好準備！但究竟碌卡俾錢抵唔抵？Edward 會同大家講：視乎銀行而定。如果大家拿住的信用卡，在海外簽帳有 4 倍或以上積分獎賞的話，就建議大家「碌住先」，番到香港先用港幣找卡數，咁樣先夠 cover 簽帳的手續費。至於卡種方面，兌換率來講 VISA、MasterCard 同銀聯基本上都差唔多，而銀聯最著數，因為唔洗俾手續費；至於 AE，佢會先將外幣轉做美金，再由美金轉做港幣，計多次兌換率，點計都唔會抵，所以如果你拿住 AE 卡，都係建議你俾 cash 算吧啦。

咩話，仲未 Book 機票酒店 ?

對於鍾意玩「速閃」或者公司啱啱先批到假的朋友來講，通常都係 last minute 先訂機票、酒店。究竟仲有咩辦法可以 last minute 訂到？留意各大旅遊網站或者相關的 Facebook 專頁，又或者專門訂 packages 的旅遊公司，例如：Expedia、Hotels.com、Agoda 等，有時都會 last minute 執到人地一早訂咗但 last minute cancel 的機位、酒店房，航空公司或者酒店為咗「唔好哂」，通常都會接近成本價出售，價錢隨時仲平過 Early Bird 添！

總結：安排周詳玩得暢快

今時今日去旅行，為什麼喜歡玩自由行的人愈來愈多？理由十分簡單：現在大家只要一上到網，然後 Google 一下，就可以找到一大堆資訊，只要多花點時間慢慢整理，就可以設計出適合自己喜好、風格的旅行體驗，還有什麼原因要跟旅行團玩？（除非大家到訪的國家需要跟團才有特別體驗，例如：北極、南極、或者要到訪需要跟團才能進入的景點）當然，代價是大家要花更多時間去預備行程，但如果旅遊能玩得盡興難忘，要花再多的時間，筆者覺得也是值得的。另外，今時今日，要做個廿一世紀的科技人，去旅行唔止要去到盡，還要更高科技！

• 不想錯過新科技 ? 請 Follow unwire.hk FB 專頁 http://facebook.com/unwirehk/

The post 2016 年「科技人」去旅行的 16 種進化全攻略 ! appeared first on UNWIRE.HK 流動科技生活.