2021香港小姐有新玩法 網民：乜 x 都改做真人騷

無綫年度選美盛事《香港小姐競選》又就快到， 今年曾志偉回巢後擔任要職，當然要有啲新搞作啦！早前香港小姐舉行全球招募記者會公布競選訂立新規矩，並加入真人騷元素，令人有少少期待。

新規矩包括提早開始今屆招募期，因為全球疫情仍然未受控，所以要俾足夠時間海外佳麗來港時進行隔離。另外，港姐當選後一年內唔可以拍劇，曾志偉表示港姐嘅目的係擔任親善大使及服務社會，而唔係入演藝圈拍劇嘅捷徑，所以要拍劇都要係卸任後先可以。

曾志偉亦會將香港小姐改以真人騷方式進行，今年邀得慧妍雅集合作，由港姐師姐以一對一形式擔任導師教授一班入圍佳麗。記者會亦邀請咗曹敏莉、楊思琦、李潔瑩及唐麗球等歷屆港姐出席。而比賽會分返準決賽及決賽，並計劃於紅館舉行決賽。

至於港姐出埠拍外景環節會根據疫情再安排，大會將考慮旅遊氣泡地點，如新加坡。曾志偉表示唔會強迫佳麗打疫苗，由佢哋自行決定。

消息出街後，不過網民們似乎對真人騷方式及新規矩冇咩期望，留言話：「佢個戲劇組咁大問題，由30幾40點，跌到落20幾已經算高，幾時呀？」及「乜X都改做真人騷、有冇其它諗頭呀」等等。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！