雅虎香港新聞 2022年世界4大重要預言！印度神童預言疫症幾時完？外星人將會出現？
踏入2022年大家應該開心又緊張，因為已經對疫症抗爭足足兩年喇！每年一踏入呢啲時間就會出現唔少預言，來自世界各地唔同嘅「占星者」、「未來人」等，今日帶大家一齊睇2022年4大重要預言，下年年尾又睇下有幾多個中啦。
1. 印度神童預言疫症2024先完？
曾準確預測一眾國際大事嘅15歲印度占星學神童早前曾確切咁話疫情12月會反彈，事實證明佢又講中咗！根據佢所占卜，疫情要去到2024年先正式完結，如果照佢咁講大家個旅行喼真係可以再收埋多一排先喇！
2. 法國「未來書」話2022有行星撞地球？
法國400多年前一位占星學家嘅占卜書準確預言2020年世界會有大疫症出現因而爆紅，根據佢呢本「未來書」所寫，2022年太空會出現由火構成嘅火球並撞向地球，好多人解讀就係指小行星會撞擊地球呢！
3. 盲婆指外星人會擄走人類
已故保加利亞盲婆Baba Vanga多年嚟都因為準確預言多國大事而聞名，雖然佢已經過身，不過佢生前就預言2022年外星人會透過一顆小行星飛到地球然後落地生根，入侵地球並擄走部分人類！最驚嘅係呢個預言係對應到上一個「未來書」預言呢！
4. 英國預言家指2022年政局大亂
曾預言過多國大事嘅英國預言家帕克指2022年世界政局大亂，例如北韓金正恩會倒台，美國總統拜登亦因為能力不足而被一位黑人女性取代，巴西會出現政變，英國脫歐令歐盟分裂再到丹麥脫歐。Facebook及Google會因為嚴重金融危機退出市場，更因為稅收問題被控告。
最後，當然要講一句預言並無科學理據，大家聽聽就算唔需要太認真呢！
___________________
按此下載全新Yahoo APP，緊貼城中好去處、Staycation攻略、行山路線、野餐地點推介，仲有新人禮等你拎，立即下載！
___________________
更多相關文章：
2021回顧丨全球8件大事回顧！全球疫苗優惠/疫情下的東京奧運/《魷魚遊戲》熱潮
2021回顧丨香港本地15件旅遊大事回顧！MIRROR打卡熱潮/月球變生根/屯馬線開通/奧運運動熱
2021回顧丨香港本地十大打卡熱點！M+博物館/港版邁亞密/海洋公園水上樂園
