2022法國米芝蓮公佈 新餐廳開業一年即奪3星?
被喻為飲食界聖經嘅米芝蓮雖然於世界各地都有各自版本,不過一直以嚟都以發源地法國米芝蓮最受人矚目,能夠於法國得到殊榮可謂比起於任何其他地方都要難。
2022年度法國米芝蓮剛剛於日前公佈,今年成為焦點嘅莫過於開業只係不足一年嘅新餐廳「Plenitude」即奪得最高3星殊榮,認真巴閉!位於巴黎嘅Plenitude來頭並唔簡單,因為老闆就係LVMH集團CEO!今年只有兩間餐廳新增為3星級,而另一間則係位於南部小鎮卡西嘅「La Villa Madie」。
另外今年新增6間2星餐廳及41間1星餐廳,所有星級餐廳合共627間,另有449間為「必比登推介」,即性價比極高嘅餐廳。由於疫情持續兩年對飲食業都有極大衝擊,例如開業21年嘅3星餐廳Alain Ducasse au Plaza Athenee都不幸於去年6月結業呢。
按此下載全新Yahoo APP,緊貼城中好去處、Staycation攻略、行山路線、野餐地點推介,仲有新人禮等你拎,立即下載!
相關文章: