2022第一單喜事?吳卓羲舉家撐菊梓喬:我嚟得仲怕咩!

·2 分鐘文章
2022第一單喜事?吳卓羲舉家撐菊梓喬:我嚟得仲怕咩!
2022第一單喜事?吳卓羲舉家撐菊梓喬:我嚟得仲怕咩!

藝人吳卓羲(Ron)與菊梓喬(Hana)的關係十分曖昧,早前因Ron於社交網「洩蜜」,發了一個空白冇字的貼文,但卻只hashtag了Hana,令全城熱估他們是否要公開戀情,可是最後中「空寶」,雙方否認。不過,兩人的關係應該更進一步,有突破性發展!因為今晚(31日)除夕夜Hana現身中環海濱活動空間,為《2021美麗的夜香港跨年演唱會》表演,而Ron竟然特別前來捧場,難怪Ron一進場即被記者圍攻。而他完全未有閃縮迴避,更自爆:「我買飛嚟睇㗎,我全家都嚟咗!(捧Hana場?)除咗佢,仲有草蜢,不過,佢都有叫我有捧佢場,大家都係好朋友。」

記者指他們台上台下一起倒數很甜蜜,Ron則說:「我都係第一次睇倒數騷。(覺得Hana表演成點?)唱得幾好。(好似有啲聲沙喎!)可能唱咗幾首歌,但佢表現得好好。(嚟捧場係咪公開放閃?)唔講呢啲嘢!(佢係你女友?)唔講呢啲!(一家人嚟睇見家長?)你哋逼死我啦!(屋企人對Hana有乜嘢評價?)冇講,屋企人嚟睇任賢齊。(咁你嚟睇菊梓喬?之後點慶祝?)我今晚要早啲瞓,聽日有工作,要去謝票。(你咁唔浪漫?)我唔想喺密室開party,我嚟呢到都預咗見到大家,其實我嚟得仲怕咩?」全程兵來將擋,應付自如,最特別的是,他沒有否認或承認Hana女友的地位,加上一句:「其實我嚟得仲怕咩!」明顯他和Hana的關係絕非好朋友咁簡單!

菊梓喬為跨年騷演出。
菊梓喬為跨年騷演出。
菊梓喬仲嗌吳卓羲嚟睇!
菊梓喬仲嗌吳卓羲嚟睇!
吳卓羲想公開戀情?
吳卓羲想公開戀情?
我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能