22年商台長壽節目《短期租約》11月完結 數吓今年電台界人事變動

·2 分鐘文章
22年商台長壽節目《短期租約》11月完結 數吓今年電台界人事變動
22年商台長壽節目《短期租約》11月完結 數吓今年電台界人事變動

現時社會環境之下,電台主持越來越難做,今年電台界就有唔少異動。商台叱咤903周末深夜音樂節目《短期租約》,喺剛過去周日晚嘅一集,主持Wasabi(鄺兆昌)正式宣布節目會喺11月28日正式完結。

Wasabi 1990年加入商台做廣告創作,並被委派做埋節目,1992年移居加拿大,喺當地電台工作。後來Wasabi回流,曾經做過唱片公司市場推廣,1999年重返商台。《短期租約》喺1999年5月啟播,本來一如節目名,只係Wasabi暫代主持其他周末節目,點知一做就做咗22年。

Wasabi 強調唔係受壓迫,年紀大同體力不再先係令佢考慮完結節目嘅原因。Wasabi本身係商業一台創作主管,另加星期日做主持,差唔多日日都要返工咁滯。至於會唔會再開咪,佢就不置可否,只係話「說了再見,真係可以再見嘅,但唔知幾時」。

同屬叱咤903嘅DJ Colin早前都宣布離開商台,並喺上周五完成最後一集節目《廣東爆谷》。

22年商台長壽節目《短期租約》11月完結 數吓今年電台界人事變動
22年商台長壽節目《短期租約》11月完結 數吓今年電台界人事變動

商台以外,港台都有唔少人事變動。3月,原民政事務局副秘書長李百全接替梁家榮出任廣播處長之後,掌管電台事務嘅助理廣播處長(電台及節目策劃)周國豐4月辭職,而馬浚偉就喺5月獲聘任為港台創作總監。6月中,二台節目《瘋SHOW快活人》主持曾志豪及貴花田被突然解僱,到6月底一台節目《自由風自由PHONE》主持區家麟亦被「叮走」。此外,二台《騷動音樂》主持閆擎3月22日在家中猝逝,終年30歲。

22年商台長壽節目《短期租約》11月完結 數吓今年電台界人事變動
22年商台長壽節目《短期租約》11月完結 數吓今年電台界人事變動

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能