雅虎香港新聞 
30歲杜小喬老化 網民激踩：樣衰咗好多
現年30歲的杜小喬獲封為網絡女神，又一度被傳愛收兵而被稱「娘娘」，紅遍網絡相當受宅男歡迎，不過唔知係歲月不饒人，定係呢排箍緊牙關係，女神個樣近期完全keep唔住，日前上蝦條哥節目《亂九敢影》，以女神身份教大家「令人心動攝影大法」，不單包面及蘋果肌提升，個妝出事，棚牙又出晒事，搞到女神崩壞嚇窒網民，大批網民留言彈佢樣衰咗好多! 咁嘅樣真係好難令人心動喎？
編撰：東方新地｜圖片：杜小喬instagram｜部份原文：經濟一週
杜小喬連續三年入選高登女神十大
曾是大紅YouTuber的杜小喬，14年轉職成為藝人，以主持身份在多間電視台亮相，參與唔少電視節目演出，可謂瓣數多多。得大班宅男追捧，令杜小喬人氣高企，由13年起連續三年入選「高登討論區」舉辦的「高登女神總選」十大，可見佢真係儲落唔少宅男粉絲。
塊面忽然浮浮腫腫走晒樣
不過，去年杜小喬認戀無線藝人譚永浩，唔知係咪掛住拍拖，疏於顧及女神形象，即使有愛情滋潤仍未見神采飛揚，日前上蝦條哥節目《亂九敢影》，以女神身份教大家「令人心動攝影大法」，真人示範教大家如何擺出女神甫士引死仔，可惜幾個甫士，個樣都好嚇人，事關冇見一排，杜小姐塊面忽然浮浮腫腫，蘋果肌提升，最慘係講嘢嘅時候，啲牙哨得好明顯，勁多網民留言插佢塊面又肥又腫，皮膚又冇彈性走晒樣，令宅男心中女神形象完全幻滅！睇嚟杜小喬想保住女神位置，真係要想辦法執執個樣先得！
依家網絡紅人年代，連小朋友「我的志願」都話想做YouTubers、想做KOL，因為有廣告商青睞，返工時間又自由，成為網紅的收入亦相當可觀！不過上一輩就未必理解網紅為何物，女神杜小喬的媽媽亦不例外……
KOL年代 宅喺屋企搵錢 杜小喬媽媽：以為個女俾人包……
杜小喬曾在節目中講到：「屋企人都唔知自己做緊咩，成日問你唔使返工架咩，唔洗見朋友㗎咩，你冇嘢做㗎？」，甚至有一段時間杜小喬媽媽同個女講：「你唔好做啲唔係咁好嘅嘢…… 」杜小喬覺得媽媽係誤會自己比人包！
不過杜小喬好清楚自己做緊啲咩，知自己係想做一位傳統藝人，所以都會嘗試同媽媽解釋：「呢啲係我做嘅廣告啊」，用佢聽得明的字眼去說明，希望媽媽明白自己做緊啲咩。
一點一點向前 一步一步學習 一切由微笑做起 #wishmegoodluck
A post shared by TOSIUKIU | 杜小喬 (@tosiukiu) on May 11, 2018 at 9:06am PDT
A post shared by TOSIUKIU | 杜小喬 (@tosiukiu) on May 9, 2018 at 4:28am PDT
自己IG有逾幾十萬followers，杜小喬媽媽都唔知呢個係咩概念，仲心諗：「吓，你都有咁多人睇」。
之後杜小喬就解釋你當我係做電視嘅，不過呢個電視的平台係唔一樣，嗰幾十萬幾followers就係觀眾。媽媽咁樣應該明白啦！
延伸閱讀：
