30年前舊照撞樣Anson Lo 張立基讚教主跳得好 被抄牌罰35萬唔敢揸車

MIRROR大熱，連帶唔少藝人都得益。同Anson Lo(盧瀚霆）一齊拍劇嘅簡慕華同徐㴓喬就有廣告拍，同場對手居然係……張立基(Norman）？

話說有網民搵返Norman 3X年前舊照，拍埋Anson Lo度又真係幾似樣，於是有廣告商就搵「元祖級教主」製造話題。59歲嘅張立基80年代出道時都係走跳唱路線，係少數亞視出身而成名嘅歌手。

Norman最近接受YAHOO TV《娛樂訪談》訪問，提到原來3年前《全民造星》播出嘅時候，已經有人send相俾佢，話Anson Lo同後生嘅張立基好似樣。後來呢張相成為話題之後，Norman 搵咗MIRROR同教主嘅演出片段睇，連《大叔的愛》都有煲。張立基認為Anson Lo跳舞幾好，亦覺得對方曾經幫郭富城伴舞「唔出奇」。

紅過又退隱過，張立基自然識得「放下」，直言而家唔揸車搭巴士的士出入。Norman當年都擁有過唔少靚車，但係因為揸車反而會遲到，加上被人抄牌抄到驚，於是決定唔做車主。當年肥媽係佢經理人，佢拎住一疊「牛肉乾」俾肥媽睇，原來合共35萬，夠買樓做首期！難怪寧願做過依賴交通工具嘅男人。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可即時換領限量新人禮，立即下載！