35萬會員癡心錯付 嬲爆收檔 「前夫」轟MIRROR演唱會當鏡粉水魚

MIRROR的暑假騷仍未開,已搞到滿城風雨!
MIRROR的暑假騷仍未開,已搞到滿城風雨!

男團MIRROR暑假舉行的演唱會令不少「鏡粉」受盡精神折磨,一票難求,坐擁逾35萬會員的「前夫」群組版主怒轟售票安排差,不甘出錢又出力的「鏡粉」被當作是提款機及「水魚」,宣布將永久關閉群組!

MIRROR演唱會掀起搶飛潮,即使加開兩場及推行實名制,但限於內部認購及贊助商扣飛等因素,致公開發售的門票只有約3.7萬張,加上公開發售當日網絡「大塞車」,不少「鏡粉」花了逾10小時「搏鬥」亦無功而還。吸納逾35萬網民及「前夫」追蹤的社交平台群組「我老婆嫁左比Mirror導致婚姻破裂關注組」,版主前晚宣布因極度不滿演唱會安排,待演唱會結束後會永久關閉群組。

版主表示但凡MIRROR賣廣告、出席活動或出新歌MV,「鏡粉」都出盡心思和財力應援:「鏡粉人肉loop到幾百萬view唔知為乜」、「出新歌,唔使你畀錢宣傳,佢哋自己出錢出力搞應援。」惟演唱會座位表卻是「死亡floor plan」,一票難求,令眾多「鏡粉」及「前夫」極為失望,版主怒轟:「你哋當鏡粉係ATM(自動提款機)係水魚,錢係要賺,但食相唔係咁難睇啩?各位演唱會主辦單位,你哋係咪真係以為啲鏡粉個個都幾億身家?我哋成日鬧黃牛,你哋就自己做最大黃牛。」直至昨午5時,有超過4萬名群組成員讚好支持,另有成員發現有不法網上賭場利用MIRROR作招徠進行詐騙。

軒仔勁冧「索鼻」姜濤

而身在美國公幹的姜濤,在網上以歌聲安撫未能成功購票的粉絲,獻唱早前與張敬軒合唱的《斷點》,軒仔留言:「以後唔該包埋暈浪丸畀人」,更化身「姜糖」狂讚姜濤可愛:「點解佢連索鼻水都Cute到尖叫!我當年拍呢首歌MV嘅時候鼻敏感,個鼻輕輕摵咗一下跟住導演都尖叫,不過係尖叫住嗌『Cut!』」

8月飛日本開騷

另外,MIRROR成功衝出香港,8月將登陸日本一年一度的SUMMER SONIC音樂祭,主辦單位亦已在官網公布MIRROR是演出嘉賓之一。活動定於8月20、21日分別在東京及大阪舉行,屆時MIRROR會現身東京的Pacific Stage演出。

姜濤翻唱張敬軒的歌冧「鏡粉」。
姜濤翻唱張敬軒的歌冧「鏡粉」。