360秒人生課堂｜魯振順認定女友係亡母派來照顧自己 失聯41年低潮期重遇譜黃昏戀

64歲魯振順以演講嘉賓身分於TVB綜藝節目《360秒人生課堂》最後一集登場，向亡母表達謝意，期間一度激動落淚；媽媽嘅離開成為魯振順人生低潮，一直被懷疑性取向嘅魯振順就喺呢段時間重遇41年前歌唱比賽女同學Julie，並譜寫出一場黃昏戀，認為57歲女友係媽媽派來照顧自己嘅天使。

魯振順於節目指，爸爸當年唔贊成佢參加訓練班，只有媽媽叫佢畀心機，又時刻照顧自己：「嗰時實習要做甲乙丙丁、行行企企，根本冇得瞓冇得休息，咁一有得瞓就梗係死命咁瞓、乜都唔食啦，但我阿媽就坐喺床邊，用個匙羮將啲食物塞落我個嘴度話要食嘢」。2017年魯振順媽媽離世，令佢跌入人生低谷，險想離開世界，惟女友Julie睇到一篇魯振順專訪後，重新聯繫對方，魯振順亦因Julie煮嘅餃子味道極似媽媽煮嘅味而認定對方，認為對方出現可能係媽媽嘅安排。

其實魯振順喺感情方面曾受重傷，1985年曾被拍拖7年女友求婚被拒，分手後得悉對方曾為佢墮胎，曾企圖輕生；自始魯振順對愛情失卻信心，認為浪漫愛情無機會喺自己身上發生，直至女友Julie出現，令佢想法變得積極，重新相信愛。魯振順與女友Julie計劃今年舉辦婚禮擺喜酒，對於曾有相學家批魯振順會雙喜臨門，魯振順就表示女友有服中藥通經，而自己亦會去驗精，希望生到小朋友，但自知自己與女友年紀大，所以都抱隨緣態度。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！