36D姚琰欣選亞姐:身材好係優勢

·1 分鐘文章
參選亞姐的姚琰欣,豐滿身材遮唔晒。
參選亞姐的姚琰欣,豐滿身材遮唔晒。

《亞洲小姐競選2021》香港賽區18位入圍佳麗昨日在大埔亞視總台見傳媒,其中2位佳麗身體不適缺席。佳麗中以袁群有、孫伊、梁欣娟較為標青。孫伊的社交網有不少泳裝性感相,稱是做KOL時拍攝,講到同組佳麗上圍豐滿可會感到輸蝕?她笑說:「企喺佢哋身邊都好大壓力,但係我身形比較纖瘦,上鏡會有優勢。」以T恤牛仔褲示人的姚琰欣仍難掩36D澎湃上圍,她說:「可能係着泳衣同今次嘅內衣效果唔一樣,身材好係其中一樣優勢。」

講到今年由前亞姐擔任導師,又入營特訓,形式與無綫《香港小姐》相似,高層陳偉傑否認抄襲:「概念5月份已經有,可能大家都係做咁上下嘅嘢啫!」對於亞視門外連日來停泊了一部印有亞視聯席主席鄧俊杰相片及向他追數字句的貨車,他說:「呢啲係佢個人事,唔方便評論,已經交畀律師處理,唔會對亞視有影響。」

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能