【38婦女節】演員轉型商界女強人 呢班女星好有生意頭腦

·4 分鐘文章
演員轉型商界女強人 呢班女星好有生意頭腦
演員轉型商界女強人 呢班女星好有生意頭腦

3月8日(下星期一)就係 國際婦女節,其實過往香港有唔少女藝人轉型從商,仲成功闖出一片天。趁住就到國際婦女節,而家就同大家睇下好有生意頭腦嘅女明星啦!

馬黎珈而
馬黎珈而(原名:黎姿)喺1985年憑《開心鬼放暑假》嘅一場喊戲,被黃百鳴睇中及簽約,之後再喺1990年加入無綫,多年嚟佢拍咗唔少經典劇集,例如《金枝慾孽》、《火舞黃沙》及《珠光寶氣》等等,深得觀眾喜愛。喺2007年細佬黎嬰遇上車禍,令星途無限嘅佢選擇退出娛樂圈專心照顧細佬及其美容醫學院。同年佢下嫁馬廷強,成為幸福少奶奶。2017年公司喺港交所創業板上市,較早前公司更轉到主板上市。呢位靚女CEO有事業有家庭,可以話係女性嘅典範。

馬黎珈而(原名:黎姿)
馬黎珈而(原名:黎姿)

陳妙瑛
1993年落選港姐陳妙瑛加入無綫後隨即備受力捧,參演多套受歡迎劇集,例如《西遊記》、《洗冤錄》、《金玉滿堂》、《洗冤錄》及《無頭東宮》等等,絕對係當時無綫一線花旦之一。正當大家認為佢可以喺演藝事業再上一層時,2001年佢選擇約滿離巢,2005年更淡出娛樂圈之後轉戰商界,專心發展自己嘅美容王國,而家已經係身家過億嘅商界女強人。

陳妙瑛
陳妙瑛

張玉珊
張玉珊(Shirley)喺15歲時被星探發掘拍攝廣告,18歲入行做歌手兼拍劇,作品有《新上海灘》、《妙手仁心》及《七姊妹》等等。不過佢喺25歲就退出娛樂圈,創辦纖體公司。2003年公司喺香港聯交所創業板上市,佢亦成為香港最年輕嘅上市公司主席,成功轉型成為商界女強人。

張玉珊
張玉珊

鄺美雲
鄺美雲(Cally)係1982年港姐亞軍得主,1984年簽約成為寶麗金旗下歌手,並喺1985年推出第一張專輯,之後佢推出過唔少經典歌曲,當中包括《再坐一會》、《留下陪我》、《容易受傷的女人》及《別假裝捨不得》等等。1998年佢選擇淡出娛樂圈轉戰商界,2000年更創立個人珠寶品牌,有傳佢身家已經高達五億。另外,佢仲係江西省政協、港區人大代表及慈善家。

鄺美雲
鄺美雲

陳凱琳
2013港姐冠軍陳凱琳(Grace)入行後被無綫力捧上位,拍攝多部電視劇,包括《張保仔》、《巨輪II》、《殭》及《平安谷之詭谷傳說》等。佢喺2018年與鄭嘉穎結婚,婚後二人十分恩愛,先後誕下大囝鄭承悅(Rafael)及細囝鄭承亮(Yannick),專心相夫教子。幕前工作量大減嘅Grace,近日榮升做老闆,推出自家品牌嘅卸妝及潔膚棉片,除咗得到圈中好友支持之外,仲賣到斷晒貨添呀!

陳凱琳
陳凱琳

徐菁遙(前名:徐淑敏)
2006年落選港姐徐菁遙Suki(原名:徐淑敏)加入無綫後即成為力捧新晉小花之一,前途無可限量。Suki喺人氣高企時選擇與商人黃浩閃婚,之後便淡出娛樂圈做幸福人妻。佢除咗享受人生,佢仲不斷增值自己,例如學跳芭蕾舞、修讀GIA鑽石鑑證課程及到日本嘅「藍帶國際學院」學法國菜等等。另外,2012年佢開始發展美容生意,創立自家天然護膚品牌,幾年前以8位數字將品牌賣出勁賺逾千萬。

徐菁遙(前名:徐淑敏)
徐菁遙(前名:徐淑敏)

謝寧
1985年港姐冠軍謝寧加入無綫後好快就參與劇集拍攝,例如《楊家將》、《狄青》及《倚天屠龍記》等等。喺1991年佢與岑建勳結婚,婚後便退出娛樂圈,但二人喺2005年離婚。2008年佢同兩位股東喺九龍城開始賣曲奇,之後生意越做越好,喺港九新界有多間分店,仲成為遊客必買手信之一。之前生意仲一度有意搞上市,不過因股東有意見分歧而暫緩計劃。

謝寧
謝寧

楊寶玲
1987年港姐冠軍楊寶玲(Pauline)加入無綫後除咗拍劇,亦有做過司儀及拍電影。之後,佢淡出娛樂圈轉投商界,並有份投資香港著名珠寶首飾集團,擔任非執行董事。

楊寶玲
楊寶玲

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!