40歲駱振偉離婚| 與丹麥太太同拍片笑著宣布結束5年婚姻：We are so proud of each other

現年40歲的ViuTV主持兼演員駱振偉（Thor），與丹麥籍飛機師女友Katrine於2019年結婚，其後以夫妻檔經常拍片放閃，但今年農曆新年後，二人再沒有在網上合照或互動，至今日（4月26日）終於再次合體一起「排排坐」拍片，卻是宣布離婚的消息，但二人仍然開心互動，甚至不時開心地對望大笑，強調「We are so proud of each other」（以對方為榮），日後雖不再同住，但仍然會以「屋企人」身份去相處。

Thor及Katrine一起在IG宣布結束5年婚姻，共發布了5段短片，Thor表示正身處Katrine的新家，甫開始兩人笑著向鏡頭問好，雖要宣布不好的消息，但卻沒有傷感，Katrine不時吐出廣東話，氣氛相當輕鬆。Thor直言跟Katrine不是普通情侶，「妳嚟自丹麥，我就嚟自香港，當然我哋都有好多不同嘅地方」，當說到住在一起的情況時，Katrine即接力說下去，表示的確有很多分歧，「好難講係特別係邊個啲咩」，而在文字版聲明上說得更清楚「我哋同其他情侶一樣，當住埋一齊嘅時候，都會有好多掙扎，例如喺生活上嘅習慣，大家對旅行嘅要求好多唔同嘅，要當中搵一個大嘅原因，我哋都講唔出嚟。當我哋決咗分開住，感覺到關係的確比以前舒服同埋輕鬆」。

Thor表示他與Katrine都曾經努力嘗試過用不同方法相處，但最終雙方都認為分居後相處得更好，所以決定轉換身份去相處，又強調「But the most important thing is, We will still be family , we will still see each other’s family together too.」即縱使不再是夫妻，仍是對方的家人，更稱雙方都有共識，亦自豪能把關係處理得很好，「呢段間我哋講得最多嘅就係『We are so proud of each other』」，而以一起拍片的形式去宣布這個消息，是希望「一個唔開心嘅結果裏面都有一丁點嘅Positivity（正面）」，而雙方之間還是有愛，互相祝福，更不會刪除過往合照，還笑說「就算之後大家喺條街度見到我哋一齊食晏食晚飯，放心，都係正常不過嘅事」。

—

駱振偉與Katrine離婚聲明全文如下：

今天我同Katrine 有個不太開心的消息要告訴大家。我哋決定咗會分開了，以後就用屋企人的身份去相處

Don’t worry ，we move on with a lot of love。而依一段時間，我哋都經常同對方講，「We are so proud of ourself!」。我諗用英文講會容易啲，「We’ll always have each other’s back 」❤️

我地兩個從來都不算是普通的情侶，她來自丹麥，我就陀地嘅，兩個嚟自完全不同背景嘅人，當然我哋都有好多不同嘅地方。

而我哋同其他情侶一樣，當住埋一齊嘅時候，都會有好多掙扎，例如喺生活上嘅習慣，大家對旅行嘅要求好多唔同嘅，要當中搵一個大嘅原因，我哋都講唔出黎。當我哋決左分開住，感覺到關係的確比以前舒服同埋輕鬆。

But the most important thing is, We will still be family , we will still see each other’s family together too.

我哋拍呢條片其中一個原因，都係希望係一個唔開心嘅結果裏面都有一丁點嘅Positivity。分開當然係唔容易，but we can always move on with love 🫂❤️

We both have no regrets for all the 10 years we spent together 。就算之後大家喺條街度見到我哋一齊食晏食晚飯，放心，都係正常不過嘅事。

希望大家都會為我哋兩個送上祝福❤️🫰🏻🙏🏻

Thanks for all the Love

Thanks for all the Blessing 🫂

Katrine & Thor