400米跨欄叮噹馬頭 跑手飛撲衝線 贏定輸?

19+

 

呢個畫面,好有日本體育漫畫嘅感覺!

 

美國一項大學田徑賽嘅男子400米欄決賽,

來自德州農工大學(Texas A&M)嘅2名選手,

Infinite Tucker 同埋Robert Grant 鬥個你死我活。

 

過完最後一個欄,佢2個繼續領先,

Infinite Tucker 雖然領先同校嘅Robert Grant,

但為保勝利,Infinite Tucker 衝線前出絕招。

 

就係用一下超人式飛撲衝線!

 

出呢招要掌握好時間同距離,

太早撲完唔過線,隨時三甲不入;

太遲俾對手過頭之餘又整親膝頭,得不償失。

 

好在Infinite Tucker身高手長時間又夾得好,

呢一跳為佢贏得冠軍!

事後Tucker就話,衝線前見到阿媽喺終點,

所以想跳上前攬實佢咁話喎。

佢話呢一跳好似用盡全身力氣先做到,對賽事全力以赴云云。

 

而輸咗嘅隊友Grant就好不以為言,接受訪問時話

「如果我講咗心入面嗰句,教練一定踢我出校隊」,

似乎有兩句微言噃。

 

Tucker衝線呢條片喺網上瘋傳,仲成為體育頻道當日十大最佳鏡頭之一。

呢一跳,贏埋人氣!

原文傳送門

你可能還想看