41歲吳卓羲因「不老」外貌登微博熱搜 昔日TVB小生誰顏值崩壞?

·2 分鐘文章
《飛虎之雷霆極戰》舊宣傳照(網絡圖片)
《飛虎之雷霆極戰》舊宣傳照(網絡圖片)

41歲吳卓羲(Ron)近日因為一張《飛虎之雷霆極戰》舊宣傳照成為微博熱搜話題,網民大讚吳卓羲保養得宜,仍能保留昔日清秀俊朗嘅小生形象,亦多咗一份男人味,有網民更指吳卓羲完全無老過,直言:「男神越來越有成熟儒雅的味道」、「行走的荷爾蒙」、「真不敢相信這是41歲的狀態!」等等。

吳卓羲(《學警雄心》截圖)
吳卓羲(《學警雄心》截圖)
吳卓羲(《飛虎之雷霆極戰》劇照)
吳卓羲(《飛虎之雷霆極戰》劇照)

吳卓羲2000年加入TVB隨即受到力捧,拍攝過《大唐雙龍傳》、《衝上雲霄》、《少年四大名捕》、《學警》系列等經典劇集,當年與林峯、黃宗澤、陳鍵鋒叱咤一時,被譽為TVB四大小生,不過現時4人各有發展,久未喺港劇露面。年過40歲嘅佢哋未知仍能保持當年型男外型定係已經顏值崩壞?一齊嚟睇睇!

【41歲林峯】
林峯1999年出道,演出過《尋秦記》、《溏心風暴》及《使徒行者》等多套經典劇集,多次與視帝擦身而過,2014年離開TVB,而近日則加盟華納唱片,成為「華納一哥」。林峯多次傳出整容,如眼皮變深、鼻樑變挺、臉型變尖等,同出道嗰陣黝黑眼細模樣大爲不同,近年就有唔少網民覺得林峯臉部表情開始變得僵硬唔自然。

林峯(《溏心風暴之家好月圓》截圖)
林峯(《溏心風暴之家好月圓》截圖)
林峯
林峯

【40歲黃宗澤】
黃宗澤2017年約滿TVB離巢,轉到邵氏兄弟主力喺內地發展。黃宗澤一向因俊俏外型迷倒唔少女生,有網民更指黃宗澤喺2012年播出劇集《護花危情》中嘅樣貌係佢嘅全盛時期。直至2016年,Bosco明顯有眼紋出現又眼窩有凹陷趨勢,倦態盡現。

黃宗澤(《護花危情》截圖)
黃宗澤(《護花危情》截圖)
黃宗澤
黃宗澤

【43歲陳鍵鋒】
陳鍵鋒當年因爲溫文書生、「小鮮肉」面貌俘虜唔少少女心,近年主要喺內地發展嘅佢2010年更因內地古裝劇《美人心計》而被封為「史上最帥皇帝」。雖然陳鍵鋒外貌仍然帥氣,留有鬍子增添男人味,但唔少網民都認為佢踏入中年後,身形比以前發福,文弱書生形象不再。

陳鍵鋒
陳鍵鋒
陳鍵鋒
陳鍵鋒

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!

我們致力為用戶建立安全而有趣的平台,讓他們與志同道合的用戶聯繫交流。為改善我們的社群體驗,我們暫時停用文章留言功能