42歲葉璇零濾鏡直播 肉色內衣造型驚現腰間贅肉 崩壞古典美人形象

42歲葉璇參選1999年國際華裔小姐奪冠入行，拍攝《再生緣》、《雲海玉弓緣》、《封神榜》等古裝劇，被觀眾大讚適合古裝打扮，封為「古典美人」。不過，近年主力於內地發展嘅葉璇就被指濾鏡開太重，驚變網紅臉。日前，葉璇突然一改常態以零濾鏡開直播，加上當日佢著住件肉色保暖內衣，腰間贅肉明顯，大媽味甚濃。

葉璇頂住個素顔樣開直播，盡見面色唔多好、皮膚鬆弛、眼袋等肌膚問題，更慘嘅係髮線向後移非常嚴重，與過往亮麗嘅形象相差甚遠。葉璇又喺直播過程中懶理形象，將整個人向後躺臥，期間不慎露出腰間贅肉；葉璇隨後又脫下保暖內衣，露出最底層嘅背心，再次令水泡腰呈現於鏡頭前，再加埋疑似用脷撩牙嘅動作，令網民直言片中嘅葉璇相當驚嚇，無晒星味：「嚇死人」、「這不是我想要的海棠」、「普通人下樓掉個垃圾都不會這樣出門吧！」、「是第一個素顔直播的女星嗎？」等等。而其實早於今年3月，葉璇分享於南京別墅拍攝嘅短片，身穿黃色毛衣配黑色緊身褲嘅佢已不慎露出大肚腩，被網民嘲笑其肚腩，更被猜測係咪懷孕。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！