43歲朱慧敏細仔出世 成功湊個「好」字

現年43歲嘅前港姐亞軍朱慧敏（Queenie），2021年與醫生陳良貴（Jason）註冊結婚，婚後減少幕前工作。曾揚言想生夠4個嘅Queenie喺前年10月誕下囡囡SheRa，去年年尾佢宣佈再度有喜，去到今日凌晨（25日）時段，佢喺社交網站宣布誕下細仔消息，成功湊個好字！真係恭喜晒呀！

朱慧敏喺社交網站連出兩個貼PO，分別上載母子照及一家四口溫馨合照，寫下：「懷胎十月，從期待你的誕生到今天終於把你抱在懷裏，一切如夢幻般。感謝上天讓我再次經歷奇蹟，感恩我的寶貝、我的小天使健康、平安如約而至。你乖巧、懂事、愛笑，就連醫生、護士們都稱贊你是天使寶寶。親愛的兒子，我愛你，願你一生順心，健康地、愉快地享受這趟人生旅程，感謝你選擇我當你的媽媽。再為人母，請多指教 ♥️」

消息一出，唔少網民紛紛留言恭喜，例如「恭喜恭喜👏細佬同家姐好似，好可愛😍祝BB健康快樂」、「恭喜恭喜！弟弟好靚仔呀！祝福弟弟健康快高長大！你們合家生活幸福美滿！」、「好得意啊😍同家姐個樣好似！」、「好恭喜你呀🎊湊夠一個「好」字👍🏻細佬仔好靚好精緻呀🥰🥰🥰」、「恭喜，好可愛」、「恭喜❤️恭喜❤️祝一對寶寶身體健康 快高長大」、「恭喜晒，BB好靚仔😍」、「恭喜🎉🎉揍夠一個 “好”字👏👏祝小孩兒們都健康快樂長大🙏🙏❤️❤️」、「恭喜你再做媽媽😍😍 湊成一個好字，祝弟弟快高長大、身體健康，兩姊弟相親相愛 💖💕」及「🎊congratulations 同家姐好似樣」等等。

按此下載全新Yahoo APP，睇盡最新娛樂新聞、樂壇消息、名人熱話、熱門電影、Netflix劇評，新人更可換領限量新人禮，立即下載！