44歲岑寶兒阿夢靠傻獲曾志偉賞識 閃婚後淡出現感到前所未有嘅快樂

44歲岑寶兒阿夢靠傻獲曾志偉賞識 閃婚後淡出現感到前所未有嘅快樂
44歲岑寶兒阿夢靠傻獲曾志偉賞識 閃婚後淡出現感到前所未有嘅快樂

44歲岑寶兒係《獎門人》經典人物之一,2000年參加香港小姐競選時因經常擺出一副「發夢樣」,故被封為「阿夢」,雖然當時未能晉身決賽,但就勇奪「最受傳媒歡迎獎」,傻大姐性格亦受到曾志偉賞識,不但點名稱讚為吳君如接班人,更時時帶埋佢出席各種活動場合,風頭比起同屆港姐三甲更強勁。

岑寶兒簽約TVB後雖然多飾演二三線角色,但都叫做機會不斷,曾出演過《烈火雄心2》、《美麗在望》、《談判專家》、《金枝欲孽》及《甜孫爺爺》等劇集,而最多戲份及最入屋嘅一定係古裝版《皆大歡喜》飾演妹仔「桂枝」一角,以及時裝版《皆大歡喜》嘉仁公司同事「Gigi」。另外,更多人記得嘅就係岑寶兒於《獎門人》瞓身玩遊戲嘅表現,2005年仲試過以三點式上陣玩「大長碌」,但因為太投入不慎泳衣走位都唔知。

2012年,岑寶兒離巢TVB過檔香港電視網絡,亦以部頭形式與梁思浩為有線電視擔任靈異節目《怪談》主持,除咗與圈外身故者冥婚,有指拍攝時試過被鬼上身衝落海。到2014年5月,岑寶兒與拍拖唔夠半年嘅圈外男友莫如迪閃婚,翌年誕下女兒莫善晴後便淡出娛樂圈,專心照顧家庭。對於會否有意復出,岑寶兒表示好開心有人掛住佢,但現階段女兒更需要佢。即使做媽媽好攰,不過充滿前所未有嘅快樂,暫時都係全力照顧囡囡,但如果有合適嘅劇本唔排除有復出嘅可能,對於復出及會唔會追多個小朋友都係抱隨緣態度。

岑寶兒
岑寶兒
岑寶兒
岑寶兒
《珠光寶氣》截圖
《珠光寶氣》截圖

按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可換領限量新人禮,立即下載!